မနေ့​ည​က အိမ်​ရှင်း​ရင်း Snow Leopard OS ခွေ​ပြန်​တွေ့​တာ​ကြောင့် အထဲ​က optional install ထဲ​မှာ​ပါ​တဲ့ QuickTime 7 Pro ကို စက်​ထဲ​သွင်း​ရင်း video edit ပြန်​လုပ်​ဖြစ်​ပါ​တယ်။ ဗီ​ဒီ​ယို​က BarCamp Yangon 2011 တုန်းက အပျော်​ရိုက်​ထား​တဲ့ အင်တာဗျူး ဗီ​ဒီ​ယို​ပါ။ အခြား Video အတွက် ငှား​ထား​တဲ့ အဖွဲ့​လဲ​ရှိ​ပေ​မယ့် ကွ​ျန်တော်​တို့​က သက်သက် အပျော် ဟာ​သ အင်တာဗျူး​တွေ​ကို organizer team နဲ့ ပွဲ​အတွင်း​မှာ ရိုက်​ထား​ကြ​တာ​ပါ။ အခု​ကတော့ ပွဲ​အတွက် ဒီ​ဇိုင်း​တွေ​ကို လုပ်​ပေး​တဲ့ နန်း​ညီ ရဲ့ အင်တာဗျူး​ပါ။

အင်တာဗျူးလိုက်မေးပေးသူ​ကတော့ ကွ​ျန်တော်​တို့ Organizer team က finance မ​လဲ့လဲ့ နဲ့ ကွ​ျန်တော် ပွဲ​နေ့ တစ်​လျောက်​လိုက်​ရိုက်​ထား​တာ​ပါ။ ကွ​ျန်တော်​့ Canon 550D နဲ့ 720P HD 60fps နဲ့ ရိုက်​ထား​ပါ​တယ်။ နောက် wireless မိုက်​သုံး​ထား​ပါ​တယ်။ မိုက်​က ကွာ​လ​တီ​သိပ်​မ​ကောင်း​တော့ လေသံ​မ​လုံ​ပဲ အသံ​နဲ⁠နဲ​ပါ​နေ​တာ​တွေ့​ရ​တယ်။ ဒါ​တောင် အင်တာဗျူး​ရင် လေလာ​ရာ​ဘက်​ကို ကျော​ပေး​ပြီး မိုက်​ကို လေ​ကွယ်​ခိုင်း​ထား​ရ​တာ​ပါ။ နန်း​ညီ နဲ့ တွေ့​တဲ့ နေရာ​က Info Tech ကော်​ရစ်​တာ​မှာ ဖြစ်​နေ​တော့ နောက်​က​တိုင်​တွေ​က လှ​တာ​နဲ့ တိုင်​တွေ​သိပ်​မ​ကွာ​ပဲ တစ်​ခု​နဲ့ တစ်​ခု​ကပ်​သွား​အောင် tele lens သုံး​ပြီး ရိုက်​ထား​ပါ​တယ်။ အသံ​နဲ့ video editing ကို​တော့ QuickTime Pro, iMovie သုံး​ပြီး လုပ်​ထား​ပါ​တယ်။ ဟာ​သ​ပေါက်​ကရ အင်တာဗျူး​ကို ရှု့​စား​ကြ​ပါ​ဦး။ နောက်ထပ်​လဲ အများ​ကြီး တင်​ဖို့ ကျန်​ပါ​သေး​တယ်။