My Burmese Blog » Burma

Burmese Tour Guide Kid Speaking 4 Languages

Htoo Tay Zar — Sun, 04 Sep 2011 21:49:00 +0000

YouTube မှာ စိတ်ဝင်စားစရာ ဗီဒီယိုလေးတစ်ခု တွေ့လို့ ပြန်ရှဲတာပါ။ ဘာမှမဟုတ်ပါဘူး မြန်မာလူမျိုး ကလေးလေးတစ်ယောက် ဘာသာစကား ၄ မျိုးပြော နိုင်တာကို နိုင်ငံခြားသားတွေ အံ့ဩနေတဲ့ ဗီဒီယိုလေးပါ။ ကွျန်တော်တို့ ဆီမှာက စားဝတ်နေရေးခက်တော့ ကလေးကအစ ပို့စ်စကတ်ရောင်း၊ တိုးဂိုက်ကြုံသလိုလုပ်နဲ့ ဆိုက်ကားသမား၊ မြင်းလှည်းသမားက အစ ထမင်းစားရေသောက်လောက် ဘာသာစကား ၄ မျိုးလောက် တတ်ကြပါတယ်။

ပုဂံတုန်းကတောင် ရွှေဆံတော်ဘုရားမှာ တစ်ခါ ကလေးမလေးတွေ ကွျန်တော့်ကို ဘာသာစကား တစ်ခုပြီးတစ်ခုနဲ့ ပြောပြီး ပုဆိုးတွေရောင်းနေသေးတယ်။ အဲဒီတုန်းကတော့ ရုပ်တည်နဲ့ပေါ့ နိုင်ငံခြားသားအထာနဲ့ ကလေးမခမျာ ဘာသာစကား တစ်ခုမဟုတ် တစ်ခုပြောင်းပြောနေတာ နောက်ဆုံးကြမှ မဝယ်သေးပါဘူး ညီမရယ်ဆိုမှ ပြုံးပြီး ထွက်သွားလေရဲ့ =) အခုလဲ ဒီဗီဒီယိုလေးကြည့်ပြီး ပြုံးမိပါရဲ့ ကလေးက လေးမျိုးလဲပြောတတ်တယ် မျက်နှာက တကယ့်အရိုးအတိုင်းပဲ ရီနေလိုက်တာ သဘောကျမိပါရဲ့။ ဒီလို ကလေးတွေ ပညာသင်ချိန်မှာ ပညာသင်ခွင့်ရမယ်ဆို နောင်တစ်ချိန် နိုင်ငံခေါင်းဆောင် ဖြစ်မလာနိုင်ဘူးလို့ ဘယ်သူငြင်းမလဲ…

Lion ~ First Well Known OS Comes with Myanmar Unicode

Htoo Tay Zar — Sat, 11 Jun 2011 18:03:43 +0000

နောက်လ July ထဲဆိုရင် Mac OS အသစ် Lion ထွက်ပါတော့မယ်။ ဒီ lion ဟာ features အသစ် 250 ကျော်နဲ့ ထူးခြားချက်တွေရှိသလို အထူးခြားဆုံးကတော့ မြန်မာဖောင့် ကို မူလ OS ထဲမှာ သွင်းပေးထားတာပါပဲ။ Unicode font ဖြစ်ပါတယ်။ ကွျန်တော်ကော အခြား နည်းပညာ အကြောင်းရေးနေသူတွေကာ အားလုံး အရင်ကတည်းက လူမုန်းခံပြီး ပြောခဲ့ရတဲ့ အကြောင်းလေးပါ… PC OS Vendors တွေဟာ တစ်ချိန်ကြရင် Unicode based fonts ကို သာ support လုပ်မယ်ဆိုတာ အခုတော့ အိမ်မက်တွေ တကယ်ဖြစ်လာပါပြီ။

ဆိုတော့ နောင်အချိန် မိတ်ဆွေ စာဖတ်သူဟာ Apple ထုတ် Mac computers တွေ ဝယ်တာနဲ့ မြန်မာဖောင့်ဆိုတာ တကူးတက သွင်းစရာမလိုတော့ပါဘူး။ မြန်မာဆိုဒ်တွေ (Unicode အသုံးပြုထားတဲ့) blogs တွေကို ဘာမှ လုပ်စရာမလိုပဲ ဖတ်လို့ ရမှာပါ။ ရေးလို့ ရမှာပါ။ နောင်အချိန်ကြရင် Mac တင်မဟုတ်ပဲ အသစ်ထွက်မယ် Windows 8 မှာပါ ပါလာမယ်ဆိုရင်တော့ အတိုင်းအထက်အလွန်ပဲပေါ့ဗျာ။

အခုကတော့ အပေါ်မှာ Apple.com ရဲ့ Lion features ထဲက မြန်မာစာ ကို support လုပ်ပေးထားပါတယ်ဆိုတဲ့ စာကြောင်းလေး ကူးယူဖော်ပြလိုက်ပါတယ်။ ဘာကြောင့် Unicode font ပဲပါလာသလဲဆိုတဲ့ နောက်ကွယ်က အကြောင်းတွေကိုလဲ သိထားသင့်ပါတယ်။ အရင်ကတည်းက ပြောခဲ့သလိုပါပဲ Unicode ဟာ Unicode.org ဆိုတဲ့ နိုင်ငံတကာ non-profit အဖွဲ့အစည်းဖြစ်ပြီး သူကနေ ကမ္ဘာပေါ်မှာ ရှိတဲ့ လူမျိုးတိုင်းရဲ့ ဘာသာစကားတိုင်းကို ကွန်ပျူတာပေါ်မှာ ရေးလို့ ရမယ်၊ ဖတ်လို့ရမယ်၊ တွက်ချက်လို့ ရမယ့် အခြေအနေရောက်အောင် စီစဉ်ဆောင်ရွက်ပေးနေတာပါ။ သူတို့ကနေ ချမှတ်ထားတဲ့ code point အရေအတွက် နေရာတွေ အလုပ်လုပ်ပုံတွေကို လိုက်နာထားတဲ့ ဖောင့်ကို Unicode based fonts လို့ခေါ်တာပါ။

Unicode fonts ဆိုတာ Myanmar 3 တစ်မျိုးထဲကို ခေါ်တာမဟုတ်ပါဘူး။ သူတို့ သတ်မှတ်ထားတဲ့ standards တွေကို အားလုံးလိုက်နာတဲ့ ဖောင့်တိုင်းကို Unicode based fonts တွေလို့ ခေါ်ပါတယ်။ စာလုံးပုံစံ တွေလဲ မျိုးစုံ ဒီဇိုင်းစုံရှိပါတယ်။ ဖောင့် အများစုဟာဆိုရင် အခမဲ့ Open Sources ပေးထားကြတာပါ။ အခမဲ့ open sources ဆိုတာကလဲ နိုင်ငံတကာက လက်ခံတဲ့ license တွေနဲ့ ပေးထားတာမို့ မည်သူမဆို စီးပွားရေးအတွက်တောင် အခမဲ့ သုံးနိုင်ပါတယ်။

Lion OS X မှာ Unicode font ပါလာတာ တော်ကြာ ပြည်တွင်းက Unicode အစွန်းရောက်တွေ စာပို့ပြီး တောင်းဆိုတယ်တွေ ဘာတွေကြောင့် ထင်နေဦးမယ်။ Unicode.org ရဲ့ အမြဲတမ်း member အချို့ကို wikipedia မှာ တွေ့သလောက်ပြောပြချင်တယ်… သေးသေးလေးတွေပါပဲ Adobe, Apple, Google, IBM, Microsoft, Oracle, Sun Microsystems, Yahoo စတာတွေ ပါပါတယ်။ ဆိုတော့ နောင် အချိန်မှာ အဲဒီ giant vendors ကြီးတွေ Myanmar Sar ကို support လုပ်ရတော့မယ်ဆိုရင် ဘယ်လို အမျိုးအစားဖောင့်ကို သုံးမလဲ ဆိုတာ စဉ်းစားကြည့်လို့ ရပါတယ်။

အခမဲ့ပေးတယ်ဆိုတာ ပြောရင်း အရင်က စင်ကာပူမှာ အသိအကိုကြီး တစ်ယောက်ပြောဖူးတာ သတိရပါတယ်။ သူက မြန်မာလူမျိုးတွေ အတွက် ရည်ရွယ်ထားတဲ့ အိပ်ဆောင် pocket pc, tablet ထုတ်ချင်တာပါ။ သူမှာ develop လုပ်ဖို့ အကုန်ရှိတယ် တစ်ခုပဲ မြန်မာစာအတွက် font ရွေးရာမှာ အခက်အခဲဖြစ်နေတယ်။ သူက စီးပွားဖြစ်လုပ်မှာဆိုတော့ အခမဲ့ license နဲ့ ကွျန်တော်၊ ကွျန်မတို့ က ဒီပစ္စည်းကို အခမဲ့ပေးသုံးပါတယ်ဆိုပြီး ပေးထားတဲ့ ဖောင့်က ယူနီကုတ် ဖောင့်ပဲရှိတာတွေ့ခဲ့တယ်။ သူက အခြားလူသုံးများတဲ့ ဖောင့်ကို သုံးချင်ပေမယ့် အဲဒါတွေက အများအတွက် အခမဲ့ပေးတယ်ဆိုပေမယ့် တရားဝင်လိုင်စင်နဲ့ အတိအလင်းပေးထားတာမဟုတ်တော့ တစ်ချိန်မှာ ပြသနာ တက်မှာ စိုးနေခဲ့တာတွေ့ရတယ်။ ကွျန်တော် ကျေးဇူးကန်းပြီး လျောက်ရေးတာမဟုတ်ပါဘူး business လောကမှာ ကိုယ်စီးတဲ့မြင်း အထီးလား၊ အမလားမသိပဲ နိုင်ငံတကာမှာ အလုပ်လုပ်လို့ မရပါဘူး ဆိုတာ နားလည်ခဲ့ရတာပါ။ Apple က Unicode သုံးသလိုပဲ အခြား pc, tablets company တစ်ခုခုက လဲ မြန်မာစာ support လုပ်မယ်ဆို ဒီအတိုင်းပဲ အခမဲ့ဆိုပြီး ကြေငြာထားသလို နိုင်ငံတကာက လက်ခံထားတဲ့ Unicode fonts တွေကိုပဲ သုံးမှာ အသေအချာပါပဲ။

Lion OS ကို နောက်လထဲမှာ ထုတ်မယ်ဆိုပေမယ့် လောလောဆယ် developer တွေအတွက် ထုတ်ပေးထားပါတယ်။ ကိုထူးမြင့်နောင်က အဲဒီက screenshots တွေတင်ပေးထားတော့ ကြည့်မိတယ်။ Lion OS ဟာ မြန်မာဖောင့် ၂ မျိုး ထည့်ပေးထားတာတွေ့ရပါတယ်။ Myanmar Sangam MN ဆိုတဲ့ unicode standards လိုက်နာထားတဲ့ ဖောင့်ပါ။ Unicode Standards ကို လိုက်နာထားတော့ အခြား ပုံစံတူ Myanmar3, Masterpiece Uni Sans, Padauk စတဲ့ ဖောင့်တွေနဲ့ အတူတူပဲ။

ောက်တစ်ခုထူးခြားတာက ဖောင့်ထည့်ပေးရုံတင် မဟုတ်ပဲ အခြား လုပ်ဆောင်ချက် တွေပါထည့် ပေးထားပါတယ်။ iCal ဆိုတဲ့ calendar မှာ အကုန် မြန်မာလို ပြပေးတယ် icon မှာကအစ မြန်မာလိုပါ။ နောက် နာရီကိုလဲ မြန်မာလို ပြတယ်။ သူက နေ့လည်နဲ့ ညနေဆိုပြီး AM, PM ကိုတောင် ပြပေးသေးတယ်။ ရက်စွဲတွေလဲ ဗုဒ္ဓဟူး စသဖြင့်ပြတယ် လတွေရောပဲ။ တော်တော်လေးကို ပျော်ဖို့ ကောင်းပါတယ်။ သေချာတာကတော့ Lion OS က သက်သေပြပေးတာပါပဲ Unicode fonts တွေဟာ ကွန်ပျူတာပေါ်မှာ စာလုံးပေါ်ပြီး လူက မျက်စိနဲ့ ဖတ်ရုံသက်သက် မဟုတ်ပဲ compute လုပ်လို့ ရတယ်ဆိုတာ ပြပေးတာပါ။

မြန်မာလူမျိုးဟာ အစွဲအလန်းကြီးပါတယ် တော်ရုံတန်ရုံဆို ဘယ်သူမှ အသစ်ကို မစမ်းချင်ကြပါဘူး။ ဒါပေမယ့် သေချာတာကတော့ Web ပေါ်မှာ မြန်မာဖောင့်အတွက် version 1.0 ဟာ ဇော်ဂျီဖောင့် ဖြစ်ပြီး version 2.0 ဟာ ယူနီကုတ် ဖြစ်လာမှာ မလွဲပါဘူး။ နောင်ကျရင် မိတ်ဆွေ နိုင်ငံခြားမှာ ကျောင်းတက်လို့ library ထဲက ကျောင်းပိုင် computer ပဲဖြစ်ဖြစ် လေဆိပ်ထဲက အခမဲ့ ကွန်ပျူတာပဲဖြစ်ဖြစ် Mac OS Lion တင်ထားတာဖြစ်နေရင် မိတ်ဆွေဘာမှလုပ်ဖို့ မလိုပါဘူး စာကြည့်တိုက်ထဲ၊ လေဆိပ်ထဲတင် မြန်မာ Wikipedia တွေ ယူနီကုတ်နဲ့ ရေးထားတဲ့ မြန်မာဆိုဒ်တွေ၊ ဘလောခ်တွေ အပျင်းပြေဖတ်နေလို့ ရတယ်။ အင်မတန်ပျော်ဖို့ ကောင်းသဗျာ… အိမ်က ကွျန်တော့် MacBook Pro screen ကွဲသွားတာနဲ့ အသစ်ဝယ်ရတော့မှာ Lion ပါတာ တစ်ခု နောက် ၄ လလောက်နေရင် ဝယ်လိုက်မယ် စိတ်ကူးတယ်။

နောက်လ ထွက်ရင်တော့ အခုလက်ရှိစက်မှာ US$30 ပေးပြီး Mac App Store ကနေ တင်လိုက်မယ် စိတ်ကူးထားတယ်။ Lion ဟာထွက်ခဲ့သမျှ Mac OS ထဲမှာ ပျော်ဖို့ အကောင်းဆုံး OS ပါ။ နောက်လထွက်မှ screen shots တွေ တစ်ပုံကြီး ထပ်တင်ပါဦးမယ်။ လောလောဆယ်တော့ ကိုစေတန် blog မှာ တင်ထားတဲ့ ပုံတွေကြည့်ပြီး မျက်ရည်ဝဲလို့ ရပါတယ်။ မြန်မာစာကို ဒီလုိ ကမ္ဘာကျော် company တွေက support လုပ်တာ ပထမဆုံးအကြိမ်နဲ့ အံဩဖို့ အကောင်းဆုံးပါ။ အကျိုးအမြတ်ထူးထူးခြားခြား ရှိလာမှာ မဟုတ်ပေမယ့် မြန်မာစာကို support လုပ်ပေးတဲ့ Apple နဲ့ CEO Steve Jobs နောက် Apple teams ကို အရမ်းကျေးဇူးတင်တယ်လို့ ပြောချင်ပါတယ်။

Unicode Related Articles

Unicode Interview with VOA, Lawka Ahla

3rd Anniversary Of Nargis Cyclone

Htoo Tay Zar — Mon, 02 May 2011 21:15:34 +0000

အခု မေလ မှာ ၂၀⁠၀၈ တုန်းက တိုက်ခဲ့တဲ့ မုန်တိုင်း နာဂစ် ၃ နှစ်ပြည့်ဖြစ်ပါတယ်။ ဒီရက်ပိုင်း ဘင်လာဒင် သေတာ နဲ့ royal wedding က top trend ဖြစ်နေပေမယ့် ကွျန်တော်တို့ဆီတိုက်ခဲ့တဲ့ မုန်တိုင်း Nargis ဟာလဲ အမှန်တော့ တော့ဖြစ်သင့်ပါတယ်။ အဲဒီမုန်တိုင်းကြောင့် ဧရာဝတီတိုင်းမှာ လူ ၁ သိန်း ၃ သောင်းလောက်သေခဲ့တာဟာ WTC September 11 လူ ၃၀⁠၀၀ ကျော်သေတာထက် ပိုအထိနာပါတယ်။ အနာဂတ်မှာလဲ လူတွေဟာ စစ်ပွဲတွေ လူအချင်းချင်းသတ်လို့ သေရတာတွေထက် disaster တွေ သက်လို့ သေရတဲ့ ပမာဏက အများကြီးပိုနေဦးမှာပါပဲ။

မှတ်မိသေးတယ် နာဂစ်လာတော့မယ့် ညက ဝရန်တာထွက်ထိုင်ပြီး တစ်ဖက်လမ်းကြားက တိုက်ခေါင်မိုး လေတိုက်တိုင်း လန်သွားတာကို ထိုင်ကြည့်နေခဲ့တာပါ။ ည ၁ နာရီလောက်ရောက်တော့ မနေနိုင်တော့တာနဲ့ ဝင်အိပ်တုန်း မနက် ၆ နာရီလောက်မှာ နောက်ဘေးက ပြတင်းပေါက်မှန်ကွဲသံကြီးကြောင့် လန့်နိုးလာပြီး ထကြည့်တော့ မုန်တိုင်း အရှိန်အတော် တက်နေပါပြီ.. အိမ်ရှေ့ ပြတင်းပေါက်ဆွဲဖွင့်ကြည့်တော့ လမ်းပေါ်မှာ အိမ်ရှေ့အိမ်က ရေအိုးစဉ်တွေကော သရက်ပင်တွေကော အကုန် လမ်းမမှာ လဲနေတယ်။ လေအရမ်းကြမ်းတော့ တံခါးပေါက်ကို တစ်ယောက်ထဲ ပြန်ပိတ်လို့ မရဘူး။ အိမ်ရှေ့တိုက် ၂ လုံးကြားက ထွက်လာတဲ့ လေက လေခွျန်သံထွက်နေတယ်။

အဲဒီတုန်းက ရှိတဲ့ Sony Ericsson K800i ဖုန်းနဲ့ ဗီဒီယိုရိုက်ထားလိုက်တယ်။ ကွာလတီကတော့ မကောင်းဘူး။ အဲဒီနေ့က မနက် ၁၀ နာရီကျော်လောက်မှာ မုန်တိုင်းတိတ်သွားတော့ အဲဒီဖုန်းကင်မရာနဲ့ ပဲ မြို့ထဲဘက် တစ်ယောက်ထဲ လမ်းလျောက်ထွက်ရင်း လျောက်ကြည့်ဖြစ်ပါတယ်။ ရေကျော်လမ်းမမှာ လဲ အပင်တွေလဲတယ် ရေက ဒူးလောက်ရှိပါတယ်။ ဗိုလ်ချုပ်လမ်းက ဗန်ဒါပင်တွေ၊ ညောင်ပင်ကြီးတွေ အကုန်လမ်းပေါ်မှာလဲနေတယ်။ ၄၆ လမ်းက ကိုလိုနီခေတ် ၂ ထပ်အိပ်တစ်လုံးက အလယ်က သစ်သား အခံကြီး ကွျံကျပြီး အိမ်က ဘေးပတ်လည် အခွံပဲကျန်တာတွေ့တယ် လူထိခိုက်တာ မတွေ့ခဲ့ဘူး။

မြို့ထဲမှာ ဆိပ်ကမ်းသာလမ်းနားမှာ ရပ်ထားတဲ့ ကားတစ်စီးပေါ် သစ်ပင်ပိပြီး ပြားနေတာတွေ့ရတယ်။ နောက်တော့ ရွှေဘုံသာလမ်းဘက် ကနေ ဗိုလ်ချုပ်လမ်းအတိုင်း ပြန်တယ်။ နောက်တော့ ဘော်ဒါတွေ ရှိတဲ့ ကျောက်မြောင်းဘက် ထွက်ဖြစ်တယ် တွေ့သမျှ အပျက်အစီးတွေလဲ ဖုန်းကင်မရာနဲ့ ဓာတ်ပုံရိုက်တယ်။ နောက်တော့ ဖုန်းဘက်ထရီ ကုန်ရောပဲ… လျှပ်စစ်မီးတွေလဲ အကုန်ပျက်သွားတာမို့ နောက် ၁၅ ရက်လောက်အထိ ဖုန်း အားသွင်းဖို့ မရှိလိုက်ဘူး။

နာဂစ်တုန်းက ဘော်ဒါက ကရိန်းကားနဲ့ လိုက်သွားတာဆိုတော့ သူပြောပြလို့ သိရတယ် တိရိစ္ဆာန်ရုံထဲက မျောက်တွေတို့ မြွေတွေတို့ သစ်ပင်တွေ ကျိုးကျတာတွေက နေတက်ပြီး လွတ်ကုန်တယ် ပြောတယ်။ သူတို့ ကားပေါ်တောင် မျောက်တက်လာသေးတယ် ဆိုပဲ။ အခြားမြို့နယ်ဘက်တွေမှာတော့ တိုက်ပြိုလို့ လူသေတာ… မိုးရွာတုန်း အိမ်အမိုးလိုက်ကောက်နေတုန်း နောက်ထပ် သွပ်မိုးရှပြီး သေတာတွေလဲ ကြားရတယ်။ ရန်ကုန်လို ကမ်းရိုးတန်းနဲ့ နဲ⁠နဲဝေးသွားတဲ့ နေရာတောင် ဒီလောက်ပြင်းရင် ဧရာဝတီတိုင်းမှာ လူအတော် အသက်ဆုံးလိမ့်မယ်လို့ အဲဒီရက်က ခန့်မှန်းမိတယ်။

အဲဒီရက်တွေမှာ စားသောက်ကုန်ခြောက်တွေ တစ်ချို့ ဆိုင်တွေက စျေးတင်ရောင်းကြပြီး တစ်ချို့က အရင်အတိုင်း ရောင်းတာတွေ့ရတယ်။ ကြား မိတာ ဆန်ဆိုင်တစ်ဆိုင်ဆို နောက်ရက်တွေမှာ ဆန်တစ်ပြည် ၃ ၄ ထောင်နဲ့ ဝယ်ချင်ဝယ်မဝယ်ချင်နေဆိုပြီး ဆိုင်ရှေ့မှာ ဘုတ်ထုတ်ရေးထားတယ်ဆိုလား လူတွေက အမြင်ကတ်လာတော့ မဝယ်ဘူး လုတယ်ကွာဆိုပြီး လုပ်သွားလို့ ပိုက်ဆံမရပဲ ကုန်သွားတယ်လို့ ကြားမိသေးတယ်။ ဂျပန် ငလျင်မှာ သူများတွေ အစားအသောက်တွေ အခမဲ့တောင် လုပ်ပစ်တယ်ကြားတော့ အားကျမိတယ်။ ပြည်တွင်းမှာက အဲဒီလို စိတ်ဓာတ်တွေ ရှိတော့ရှိတယ် ရှားပါးလာနေပြီ။

အဲဒီတုန်းက အခက်အခဲက ရေပဲ လမ်းထဲက အိမ်တိုင်းရေရဖို့ လမ်းထိပ်က ဂျိုးဖြူ ဘုံပိုင်ခေါင်းကနေ အကုန် ရေဆွဲသယ်ကြရတော့တာပဲ။ ရန်ကုန်မှာ နေညိုရင် ရေခပ်ဆင်းတဲ့ ဓလေ့ ခဏဖြစ်သွားတယ်။ မုန်တိုင်းက အတော်ပြင်းခဲ့တာပါ တံခါးပေါက် ကြားသေး⁠သေးလေးကနေ လေတွေ ဝင်ရင် လေခွျန်သံလိုဖြစ်နေတယ်။ အကယ်လို့များ အဲဒီဟာက ပြင်းအားအတော်ရှိတဲ့ ငလျင်သာဖြစ်ခဲ့ရင် ဧရာဝတီတိုင်းက ရွာကလူတွေ ဆူနာမီမလာသရွေ့ အဲလောက် လူသေမှာ မဟုတ်ဘူး။ သေချင်းသေ ဖြစ်သလိုဆောက်ထားတဲ့ တိုက်တွေ ၉၀ ရာခိုင်နှုန်းလောက်ရှိတဲ့ ရန်ကုန်က လူတွေပဲ သေကြမှာ… နမိတ်ဖတ်တာတော့ မဟုတ်ပါဘူး နောက်နှစ်တွေမှာလဲ မုန်တိုင်း၊ ငလျင်၊ မီးတောင်ပေါက်တာတွေ ရေပြတ်တာတွေ ကမ္ဘာမှာ ကြုံရဦးမယ်။ လူတွေအားလုံး ဘေးအန္တရာယ်ကင်း ပါစေလို့ ဆုတောင်းပါတယ်….

Origin Of Arakanese and Burmese Scripts

Htoo Tay Zar — Wed, 27 Apr 2011 20:37:05 +0000

မြောက်ဦးမြို့ ကိုရောက်တုန်းက မြို့ထဲကနေ တောင်ဘက်ကို ချောင်းတစ်ခုကူးသွားရင် တောင်ပေါ်မှာ တည်ထားတဲ့ ဘုရားတစ်ဆူရှိပါတယ်။ အဲဒီ ဘုရားမှာ စိတ်ဝင်စားဖို့ကောင်းတဲ့ ရခိုင် နဲ့ မြန်မာ စာလုံးတွေရဲ့ ပြောင်းလဲလာပုံ အဆင့်ဆင့်ကို ပြထားတာတွေ့ခဲ့ရတာကြောင့် ဓာတ်ပုံရိုက်ထားဖြစ်ပါတယ်။ အခုကတော့ အခြား လေ့လာချင်တဲ့သူတွေ သုံးရအောင် ဘလော့ဂ်မှာ ပြန်တင်တာပါ။ စာတွေလဲ အသေးစိတ် ဖတ်လို့ရအောင် 2000px width နဲ့ ဖိုင်အကြီး တင်ထားပါတယ်။ အပေါ်က ပုံကို ကလစ်နှိပ်ပြီး ရယူနိုင်ပါတယ်။

Trip To Arakan, Sittwe & Myauk Oo

Htoo Tay Zar — Sat, 23 Apr 2011 21:48:59 +0000

၂၀၁၁ ဇန်နဝါရီ ၄ ရက်နေ့က ရခိုင်ပြည်နယ် စစ်တွေမြို့ဘက်ကို အလည်အပတ်သွားဖြစ်ပါတယ်။ ခရီးက အမှန်တော့ ထွက်ဖို့ စီစဉ်ထားတာမဟုတ်ပေမယ့် ဦးလေးက အဲဒီဘက်ကို အလုပ်ကိစ္စနဲ့ သွားစရာရှိတာကြောင့် လိုက်သွားဖြစ်တာပါ။ ရခိုင်ဆို ငပလီ၊ သံတွဲဘက် ငယ်⁠ငယ်တုန်းက ရောက်ဖူးပေမယ့် စစ်တွေကိုတော့ မရောက်ဖူးတာကြောင့် ပထမဆုံး အကြိမ်ဖြစ်ခဲ့ပါတယ်။ အဲဒီတုန်းက ခရီးသွားနေတယ် ဆိုပေမယ့် ဘလော့ဂ်မှာက schedule post လုပ်ထားခဲ့တာမို့ ကွျန်တော်မရှိပေမယ့် တစ်နေ့ post တစ်ပုဒ်တော့ တက်နေခဲ့ပါတယ်။

စစ်တွေကို သွားဖို့အတွက် ပြည်တွင်းလေကြောင်းလိုင်းမှာ လက်မှတ်ဝယ်ရပါတယ်။ ရုံးက ပန်းဆိုးတန်း အောက်ဘလောက် Strand Hotel နားမှာပါ။ အဲဒီမှာ လေယာဉ်လက်မှတ်ဝယ်ပြီး နောက်ရက်မှာ စထွက်ဖြစ်ပါတယ်။ စစ်တွေသွားမယ့် ဂျက်လေယာဉ်က တစ်စီးတည်းသော လေယာဉ်လို့ သိရပြီး စစ်တွေ၊ အမ်း နဲ့ အခြား မြန်မာနိုင်ငံ အနှံ့ကို ပျံနေတာလို့ သိရပါတယ်။ တော်တော်လဲ အလုပ်လုပ်နိုင်တဲ့ လေယာဉ်ပါပဲ။

စစ်တွေမြို့လေဆိပ်က မြို့နဲ့ နီးပါတယ်။ ပြောရရင် မြို့ထဲလို့တောင် ပြောလို့ ရပါတယ်။ အဲဒီမှာ လေယာဉ်ဆင်းပါတယ်။ စစ်တွေမြို့ဟာ ခဏတိုင်း သတင်းတွေထဲပါနေကြဆိုတော့ အရမ်းကြီးတိုးတက်နေမယ် မျော်လင့်ထားပေမယ့်။ စိတ်ကူးထဲကလို မဟုတ်သေးတာ တွေ့ရပါတယ်။ မြို့မှာ ကိုလိုနီခေတ်က လက်ရာနဲ့ အဆောက်အဦးတွေ အများကြီး ရှိပြီး ရှေးတုန်းက နာရီစင်ကြီး တစ်ခုလဲ တွေ့ပါတယ်။ နောက် စစ်တွေ မြို့မှာ ပင်လယ်ကမ်းခြေလဲ ရှိပါတယ်။ ညနေဘက် တစ်ရက်အရောက်သွားဖြစ်ပါတယ်။ ကံဆိုးချင်တော့ ကင်မရာအပြည့်အစုံယူသွားပြီး မမ်မိုရီကတ်က တည်းခိုဆောင်မှာ ကျန်ခဲ့လို့ ကမ်းခြေရောက်မှ ကားနဲ့ ပြန်ယူရပါသေးတယ်။

စစ်တွေ ကမ်းခြေက သောင်ပြင်အတော်ကျယ်ပါတယ်။ ဒီဘက်ကမ်းနားမှာ ပလပ်စတစ်အိတ် အမိှုက်တွေ အရမ်းများတာကြောင့် လှချင်ရက်နဲ့ ဓာတ်ပုံရိုက်လို့ မရပါဘူး။ ရေစပ်နားမှ ရိုက်လို့ ရတယ်။ ကမ်းခြေနဲ့ တစ်ဖက် ၁ မိုင်လောက် အကွာမှာတော့ view point ရှိပါတယ်။ အဲဒီဘက် ဓာတ်ပုံသွားရိုက်ဖို့ ရောက်ပေမယ့် january လဖြစ်ပြီး ညနေလောက်မှာတင် မြူတွေ အရမ်းကျနေတာကြောင့် ဘာမှ ရိုက်လို့ မရခဲ့ပါဘူး။ View point က ဝင်းဦးကားထဲမှာ ပါဘူးတဲ့ နေရာပါ ဘေးမှာ ကျောက်ဆောင် အလှတွေရှိပါတယ်။ ကိုလိုနီခေတ် အမြောက်တစ်ခုလဲ တွေ့ရတယ်။ တစ်ဖက်က ၄ ဖာလုံလောက် ပင်လယ်ဘက်မှာ ကွျန်းအသေးလေးရှိပြီး အလုပ်လုပ်တဲ့ မီးပြတိုက် တစ်ခုရှိပါတယ်။ မြူတွေကျနေတာကြောင့် ဘယ်လိုမှ ရိုက်မရခဲ့ပါဘူး။

နောက်ရက်တွေမှာ မြောက်ဦး မြို့ဘက်တွေကို ထွက်ဖြစ်ပါတယ်။ လမ်းမှာ ရထားလမ်းဖောက်နေတာကိုတွေ့ရပါတယ် လမ်းက ပုဏ္ဍားကွျန်းမြို့ အကျော်ထိ ရထားပြေးလို့ ရနေပါပြီ။ တစ်ဖက် ကျောက်တော် အထိရောက်အောင် ဖောက်နေတာတွေ့ရပါတယ်။ ကားမောင်းပို့ပေးတဲ့ အကိုကြီးက အဲဒီဘက်မှာ အရင်က သွားရေးလာရေး ခက်ခဲတဲ့ အကြောင်း ပြောပြပါတယ်။ အခုရထား ရှိလာတော့မှာ ၁ ယောက် ၂၀၀ နှုန်းနဲ့ စစ်တွေကို ရောက်ဖူးတဲ့သူတွေ ရှိလာတယ်လို့ ပြောပါတယ်။ အရင်က မိုင် ၂၀ လောက်ပေမယ့် မြစ်တွေ ချောင်းတွေ များတော့ သေသာသွားတယ် စစ်တွေ မရောက်ဖူးသူတွေ ရှိတယ်လို့ ပြောတယ်။

စစ်တွေ မြောက်ဦး ကားလမ်းက လမ်းအတော်ကျဉ်းတာတွေ့ရပါတယ်။ လမ်းမှာ သတိထားမိသလောက် ဆိုင်ကယ်သွားတာတောင် ရှားပါတယ်။ ကွျန်တော် သွားခဲ့တဲ့ အသွားအပြန်မှာ လမ်းမှာ ကျော်ရတာကော၊ မျက်နှာချင်းဆိုင်လာတဲ့ ကားကော ၁၀ စီးလောက်ပဲရှိပါတယ်။ အမှန်အတိုင်းပြောရရင် မတိုးတက်သေးပါဘူး။

သွားရင်းနဲ့ ခရီးတစ်ဝက်လောက်မှာ ကျောက်တော်မြို့ကို ဖြတ်ရပါမယ်။ နောက်တော့ ကုလားတန် မြစ်ကို ဖြတ်ဆောက်ထားတဲ့ ကစ္စပနဒီ တံတားကို ဖြတ်ရပါတယ်။ တစ်ဘက်ကမ်းမှာတော့ တောင်တစ်လုံးရှိပြီး တောင်ပေါ်မှာ ဘုရားတစ်ဆူရှိပါတယ်။ ဒါနဲ့ အဲဒီတောင်ကို ကားနဲ့ တက်ဖြစ်ပါတယ်။ တောင်တစ်တောင်လုံးဟာ မျောက်တွေကို ဘေးမဲ့ပေးထားတာမို့ မျောက်ကောင်ရေ ၁၀⁠၀ ကျော်လောက်ရှိလောက်မယ့် အရေအတွက်ကို တွေ့ခဲ့ ရပါတယ်။ တောင်ပေါ်ကနေ ဓာတ်ပုံရိုက်ပြီး ပြန်ထွက်ကြပါတယ်။ ကျောက်တောင်ကနေ ၁၀ မိုင်လောက် သွားပြီးတဲ့ အခါမှာတော့ တန်ခိုးကြီး မဟာ မြတ်မုနိဘုရားကို ရောက်ပါတယ်။ ဒီဘုရားဟာ ကိုလိုနီခေတ်က အမြောက်ဆံ လုပ်ဖို့ သယ်ယူခံခဲ့ရတာဖြစ်ပြီး ဘုရားတန်ခိုးတော် နဲ့ အိမ်မက်တွေမျက်မြင်ပြီး နောက်ပိုင်းမှာမှ အဂလိပ်တွေ ကိုယ်တိုင် ဒီနေရာကို ပြန်ပင့်ဆောင်လာတာဖြစ်ပါတယ်။

နောက်တော့ ကွျန်တော်တို့ မြောက်ဦးဘက်ကို ဆက်ထွက်ဖြစ်ကြပါတယ်။ ဘုရားကနေ ကျော်လာတာနဲ့ နောက်ပိုင်းမှာ လမ်းက ပိုကြမ်းလာပါတယ်။ ကျောက်ခဲတွေ ပွစိထနေတဲ့ လမ်းပေါ်မှာ လိှုင်းစီးနေရသလို သွားရပါတယ်။ လမ်းမှာ တွေ့ရတဲ့ တံတားတွေကလဲ ကိုလိုနီခေတ်က ဆောက်ခဲ့ဟန်တူတဲ့ သံဘောင်နဲ့ အနီရောင် တံတားကြီးတွေပါ။ လမ်းကြမ်း⁠ကြမ်းကို သွားပြီးရင်တော့ မြောက်ဦးမြို့ကို ရောက်ပါတယ်။

မြောက်ဦးမြို့ဟာ မြို့ထဲမှာ တင်ကို ရှေးဟောင်းဘုရားတွေ အများကြီးရှိတဲ့ မြို့ဖြစ်ပါတယ်။ နိုင်ငံခြားသား တစ်ချို့ တွေ့ရပေမယ့် နည်း⁠နည်းသာရှိပါတယ်။ ပုံမှန်ပြည်တွင်း ခရီးသွားကတော့ လုံးဝ မရှိသလောက်ပါပဲ။ သျှစ်သောင်းဘုရား နဲ့ အခြား ဘုရားတွေ လှည့်ဖူးဖြစ်ပါတယ်။ ဘုရားအများစုဟာ ကိုလိုနီခေတ်မှာ လက်နက်လုပ်ဖို့ အတွက် သယ်ဆောင်လုယူခံရတာကြောင့် အချို့ ကြေးဆင်းတုဘုရားကြီးတွေကို ရွံနဲ့ မံပြီး အုတ်ဘုရားပုံစံ ပြောင်းခဲ့ရတာတွေ၊ မြစ်အောက်ထဲမှာဖွက်ထားခဲ့ကြရတဲ့ သမိုင်းတွေများပါတယ်။ မြောက်ဦးမြို့မှာ နန်းတော်ရာ နဲ့ ပြတိုက်ကိုလဲ လေ့လာလို့ ရပါတယ်။

မြောက်ဦးမြို့ဟာ ရှေးဟောင်းယဉ်ကျေးမှုတွေ လေ့လာလို့ ရတဲ့ မြို့ဖြစ်ပေမယ့် သွားလာရခက်ခဲတာ ကြောင့် နိုင်ငံခြားသားရော ပြည်တွင်း ဧည့်သည်ပါ နည်းဟန်တူပါတယ်။ နောက် အစားအသောက်လဲ ထူးထူးဆန်းဆန်းရှားပါတယ်။ တစ်ညက အထူး ရှားပါး ရေကြက်ဟင်း ဆိုပြီး ကွျန်တော်တို့ကို ချက်ကြေွးပါသေးတယ်။ တကယ်တန်း ပန်းကန်ရောက်လာတော့မှာ ရေကြက်ဆိုတာ ပြည်ကြီးငါး ကင်းမွန် တွေဖြစ်နေတာ တွေ့ရတယ်။ မြို့ရဲ့ နာမည်ကြီး number 1 ဆိုလား စားသောက်ဆိုင်ဟာ စားပွဲ ၄ လုံးသာသာ ပဲဆံ့တဲ့ ဆိုင်သေးလေးဖြစ်နေတာလဲ တွေ့ရပါတယ်။

မြောက်ဦး မြို့မှာ ၁ ည အိပ်ပြီးတဲ့ နောက်တော့ စစ်တွေကို ပြန်ဖြစ်ပါတယ်။ ဒီခရီးစဉ်က ဓာတ်ပုံ ကောင်းကောင်း မရိုကလိုက်ရပါဘူး။ ဆောင်းမကုန်သေးတာကြောင့် ညနေ နဲ့ မနက်မှာ မြူတွေ ထနေတာကြောင့် ရိုက်လို့ မရခဲ့ပါ။ ခရီးစဉ်ဟာလဲ ဖုန်အတော်ထူပါတယ်.. ကင်မရာ မှန်ဘီလူးလဲရင်းနဲ့ ဘယ်နားက အမှုန်မှန်းမသိတာက မှန်အောက်က censor ပေါ်တည့်⁠တည့်တက်ကပ်သွားလို့ ညဘက်အတော် ရှင်းယူလိုက်ရသေးတယ်။ ဒါတောင် မှန်ဘီလူးလဲရင် ကားမှန် အကုန်ပိတ်ထားတာပါ။ စစ်တွေ မှာတော့ မပြန်ခင် ညနေဘက်ထပ်ပြီး view point ထပ်သွားဖြစ်တော့ လေယာဉ်တစ်စင်း ပျံသွားတာ အနောက်ဘက်မှာ အင်ဂျင်အပူရှိန်နဲ့ ရေေငွ့တိမ်တန်းကြီး ဖြစ်ကျန်နေတာတွေ့တာနဲ့ အကြံရပြီး ညီဝမ်းကွဲကို တိမ်တွေ မှုတ်ထုတ်နေတဲ့ ပုံလုပ်ခိုင်းပြီး ရိုက်ခဲ့သေးတယ်။ အဲဒီပုံတော့ သဘောကျတယ် perspective ကော mood ကော ကွက်တိဖြစ်သွားလို့ပါ။ အခုကတော့ အဲဒီ ခရီးစဉ်က ပုံတွေပါ။ ခရီးစဉ်သွားတဲ့ အတိုင်း စီထားတာပါ။ ရှုစားကြပါဦး…

Applying Myanmar CDMA EVDO Internet

Htoo Tay Zar — Sun, 13 Mar 2011 19:21:24 +0000

လွန်ခဲ့တဲ့ အပတ်က ၅ သိန်းတန် CDMA ဖုန်းအတွက် EVDO သွားလျောက်ဖြစ်ပါတယ်။ ၅ သိန်းတန် ဒေါ်လာ ၅၀၀ တန် ဖုန်းက မြန်မာပြည်မှာ လက်ရှိ ၃ မျိုးရှိပါတယ်။ CDMA 800 MHz ခေါ် ရန်ကုန်ဖုန်း ရှိတယ်၊ CDMA 450 MHz ခေါ် နေပြည်တော်ဖုန်းရှိတယ်၊ နောက် ၅ သိန်းတန် GSM ဆိုတာလဲ ရှိသေးတယ်။ အဲဒီထဲကမှ 800 MHz အတွက် လျောက်တာပါ။ နောက်လူများ အင်တာနက် လျောက်မယ်ဆို လွယ်အောင် steps တွေ အခုတင်ထားလိုက်ပါတယ်။

ပထမဆုံး သက်ဆိုင်ရာဖုန်းလျောက်တုန်းက မြို့နယ်ရဲ့ ဆက်သွယ်ရေးရုံးကို သွားရပါတယ်။ သူက လေး၊ ငါးမြို့နယ်ကို ဆက်သွယ်ရေးရုံးတစ်ခု သတ်မှတ်ပေးထားတာပါ။ အဲဒီမှာ ဖုန်းလျောက်တုန်းက စာချုပ်မူရင်း၊ နောက် ဓာတ်ပုံ ၂ ပုံလိုပါတယ်။ ဖောင်ဖိုးတစ်ထောင်နဲ့ ဘာမှန်းမသိတဲ့ဖိုး ၅၀၀ ပေါင်း ၁၅၀၀ လောက်ပေးပြီး ဖောင်ဖြည့်ပါ ။ နောက် CDMA SIM card ကို ထုတ်ကြည့်ပြီး အဲဒီက code number တွေ ဖောင်မှာ ဖြည့်ပါ ပြီးရင် အဲဒီက ရုံးပိုင်လားတော့ မသိ စာတွေစစ်ပြီး ေငွသွင်းဖို့ ပန်းဆိုးတန်းသွားခိုင်းပါလိမ့်မယ်။

ေငွသွင်းဖို့က ပန်းဆိုးတန်း အောက်ဘလောက်မှာ ရှိတဲ့ ဘဏ် ၂ ကို သွားရပါမယ်။ ဘဏ် ၁ နဲ့ ကပ်ရပ်ဖြစ်ပါတယ်။ အဲဒီမှာ ပိုက်ဆံသွင်း နောက် ချလံ ယူပြီးရင်း အစောပိုင်းက ဖောင်ဝယ်ခဲ့ရတဲ့ သက်ဆိုင်ရာ ဆသရ ရုံးကို ပြန်သွားပါလေ။ အဲဒီမှာ ဘာမှန်းမသိတာတွေ လုပ်ပေးပါလိမ့်မယ်။ နာမည်ခေါ်ရင် ရလာတဲ့ စာရွက်နဲ့ အလုံကို သွားရပါမယ်။

ဆသရ ကရလာတဲ့ စာရွက်တွေနဲ့ အလုံ exchange ရုံးမှာ ဖောင်ဖြည့်ပြီး လက်ရှိ ရပြီးသား CDMA SIM card ကို ပလပ်စတစ်အိပ်လေးထဲထည့် ဖောင်နဲ့တွဲပြီး တင်ထားပါ။ နောက် ၁ နာရီကျော်လောက် အဲဒီမှာ ထိုင်စောင့် ပြီးနာမည် ခေါ်တဲ့ အခါ SIM Card အသစ်ကို ယူလို့ရပါပြီ။ အခုရေးထားတာ စာအနေနဲ့ တိုပေမယ့် တကယ်တမ်းလုပ်ရင် နေပူကြီးထဲမှာ လူတန်းစီရ စောင့်ရနဲ့ တစ်နေကုန်ပါတယ်။ SIM card ရပြီး နောက်နေ့မှာ ဖုန်းပြန်ပြောလို့ ရပါမယ်.. နောက် ထပ် ၄၈ နာရီလောက်ကြာရင်တော့ EVDO Internet ရပါပြီ။

ပြောရရင် ခေတ်မှီဖွံ့ဖြိုးတိုးတက်ချင်တယ်ဆိုရင် လူ့စွမ်းအားတွေကို ဒီလို ဘာမဟုတ်တဲ့ ကိစ္စနဲ့ တစ်နေကုန်ရတာ နှမြောဖို့ ကောင်းပါတယ်။ စင်ကာပူတုန်းက ဖုန်း 3G ပါအပါအဝင်လျောက်တုန်းက အကိုလျောက်ပေးတာ ၁၅ မိနစ်အတွင်း SingTel မှာ ရလိုက်ပါတယ်.. ဘန်ကောက်မှာတုန်းကလဲ ကိုမျိုးကျော်ထွန်း EDGE Internet လုပ်ပေးတာ texi စီးရင်းလုပ်ပေးသွားတာ ကားပေါ်ကနေ အောက်မဆင်းခင်ရပါတယ်။ ကွျန်တော်တို့ဆီမှာတော့ တစ်နေကုန်တယ်.. နောက် ပိုက်ဆံယူပုံကလဲ data usage နဲ့ မဟုတ်ပဲ မိနစ်နဲ့ ဖြတ်ယူပါတယ်။ ဒါမျိုးက အင်တာနက် ကျချင်ကျနေမယ် ပိုက်ဆံတော့တွက်နေမယ့် သဘောပဲ။

လွန်ခဲ့တဲ့ ၂ ရက်က MRTV က သတင်းမှာ ကြေငြာတာတစ်ခုတွေ့ရတယ် လွှတ်တော်အမတ် တစ်ယောက်က မြန်မာနိုင်ငံမှာ ဖုန်းတွေ စျေးအရမ်းကြီးနေပြီး ဖုန်းအမျိုးအစားတွေလဲ များနေကြောင်းနဲ့ သူများနိုင်ငံတွေလို လူတိုင်းသုံးနိုင်တဲ့ စျေးဖြစ်အောင် လုပ်ပေးဖို့ လွှတ်တော်မှာ အဆိုတင်တာတွေ့တယ်။ သက်ဆိုင်ရာ ဆက်သွယ်ရေးဝန်ကြီးက မြန်မာနိုင်ငံမှာ ဖုန်းဘယ်လောက်ချပေးထားပြီး လူဘယ်နှယောက်သုံးတယ်ဆိုတာတွေ ပြောပြီး လူတိုင်း ဖုန်းကိုင်နိုင်ဖို့ တစ်ဆင့်ခြင်းလုပ်နေတဲ့ အကြောင်းရှင်းပြသွားတယ်။

ကွျန်တော်တို့ဖုန်းလိုင်းေငွသွင်းရတာ ဒေါ်လာ ၅၀⁠၀ ကျော်သွင်းယူရတာပါ ဒါတောင် သူများနိုင်ငံတွေလိုမဟုတ်ပဲ အိမ်ထောင်စုစာရင်းတွေကော မိတ္တူတွေကောအစုံပဲ ပါရသေးတယ်။ သူများနိုင်ငံတွေထက် စျေးအရမ်းကြီးပါတယ်။ အခုချိန်က ဒီမိုကရေစီ ကူးပြောင်းမယ်လို့ တရားဝင်ကြေငြာထားတဲ့ အချိန်ပါ။ အစိုးရ အဖွဲ့ အစည်းတစ်ရပ်ဟာ ပြည်သူကို အလုပ်အကွျေးပြုဖို့ က အရေးအကြီးဆုံး အချက်ပါ ပြည်သူတွေကို လွယ်အောင် ကိုယ်တိုင် လုပ်မပေးနိုင်ရင် လုပ်ပေးနိုင်မယ့် အခြား ပုဂ္ဂလိကကို လွှဲပေးလိုက်ပါ လို့ အကြံပြုချင်ပါတယ်။

ဒီစာကိုဖတ်နေမယ့် သူထဲမှာ ဘလော့ဂ်တွေစောင့်ကြည့်ဖို့ တာဝန်ယူထားရတဲ့ ပုဂ္ဂိုလ်တွေလဲပါမှာပါ စဉ်းစားကြည့်ပါ မိတ်ဆွေတို့ မိသားစုဝင်တွေလဲ ဖုန်းအလကားရနေတာမဟုတ်ပါဘူး ကိုယ်က ပိုင်တယ်ဆိုပြီး အလွယ်ရလိုက်ပေမယ့် မိတ်ဆွေတို့ သားသမီးတွေ မျိုးဆက်တွေကြရင် မိတ်ဆွေတို့လို့ VIP ဖြစ်ချင်မှ ဖြစ်တော့မယ် အဲဒီအခါရောက်ရင် သူတို့ မပင်ပန်းပဲ လုပ်လို့ ရနိုင်မယ့် စနစ်တွေကို ကိုယ်ချင်းစာစိတ်တွေနဲ့ ပြောင်းလဲဖို့ လိုနေပြီဆိုတာ စဉ်းစားသင့်ပါကြောင်း ဒီနေရာကနေ ပြောလိုပါတယ်။

YGN Utd VS Zayar Shwe Myay FC Match

Htoo Tay Zar — Sat, 29 Jan 2011 20:27:50 +0000

ဒီနေ့ ညနေပိုင်းမှာ Myanmar National League က လက်ရှိ အမှတ်ပေးဇယား ထိပ်ဆုံးက အသင်းတွေဖြစ်တဲ့ ရန်ကုန် ယူနိုက်တက် နဲ့ ဇေယျာရွှေမြေ အသင်းတို့ပွဲကို သွားကြည့်ဖြစ်ပါတယ်။ နေ့လည်က Info Tech မှာလုပ်တဲ့ NLP Lab ရဲ့ Unicode လက်ရှိ အခြေအနေနဲ့ ရှေ့ဆက်လုပ်သွားမယ့် product တွေအကြောင်း workshop တက်နေတာနဲ့ ဘောလုံးပွဲကို ဒုတိယပိုင်းမှ ရောက်ဖြစ်ပါတယ်။

ဒီနေ့ပွဲက အမှတ်ပေးဇယားထိပ်ဆုံးက ၂ သင်းဖြစ်တဲ့အပြင် ရံှုးခဲ့ရင် ၂ သင်းလုံးအတွက် ပထမဆုံး ရှုံးပွဲဖြစ်မှာမို့ ပွဲက တော်တော်ကြည့်ကောင်းပါတယ်။ အသေးစိတ်ကုိတော့ Soccer Myanmar ဆိုဒ်မှာ ဖတ်ကြည့်လို့ ရပါတယ်။ ဒီနေ့က နောက်ကျရောက်တာရယ် နောက် မန်းလေးညှပ်ဖိနပ်စီးထားတာကြောင့် မီဒီယာကတ် ပါပေမယ့် ကွင်းထဲထိ မဝင်ဖြစ်လိုက်ပါဘူး။ နောက်အခေါက်များကြရင်ဝင် ရိုက်ပါဦးမယ်။ မီဒီယာကတ်က ကွျန်တော်ရယ် ကိုဘိုဘို ရယ် ၂ ယောက် အတူတူရထားတာပါ။

ကင်မလား ယူသွားပြီးရိုက်ပါတယ် 55~250mm lens နဲ့ ရိုက်ပေမယ့် ပုံကအောက်ကအတိုင်း ဝေးနေပါသေးတယ်။ ဒါတောင် APSC Canon 1.6x မြောက်လိုက်ရင် 250 ဆိုပေမယ့် 400 ရှိပါတယ်။ နောက်အခေါက်ကွင်းထဲက ရိုက်ရင် ကိုကောင်းမယ်လို့ တွေးမိတယ်။ သို့သော်လဲ နဲနဲ သတိထားဖို့လိုတာ တွေ့ရပါတယ် ပရိတ်သတ်တွေ ရေဘူးမယူရပေမယ့် ရေထုပ်တွေနဲ့ လှန်းပေါက်တာ အဝေးကြီး အထိရောက်ပါတယ်။ ကွင်းထဲမှာ စိတ်ပျက်စရာက အပြန်အလှန်ဆဲနေကြတာပါ။ ကွျန်တော်လဲ ဘောလုံးပွဲ ဝါသနာမပါ⁠ပါဘူး ဒါပေမယ့် အဲဒီလို အသင်းစွဲတွေနဲ့ ဆဲဆိုနေတာတော့ ကြည့်မရပါဘူး။ နိုင်ငံတကာပွဲမှာ ဘာမှလုပ်မပြနိုင်ပဲ ပြည်တွင်းမှာပဲ အချင်းချင်း ရန်စောင်နေလို့ ဘာမှ ထူးမလာဘူးထင်ပါရဲ့။

နောက်အခေါက်ဆို အွန်လိုင်းတောင် live တင်လို့ ရနိုင်ပါတယ် media တွေအတွက် အင်တာနက် ပေးထားပါတယ်။ ဒါပေမယ့် ကိုဘိုပြောတာ လိုင်းက တက်လိုက် ပြတ်လိုက်ဆိုပဲ။ အပေါ်ဘက်မှာတော့ ကွျန်တော်နဲ့ နာမည်ခပ်ဆင်⁠ဆင်တူ သူဌေးတစ်ယောက်ကတော့ မော်ဒယ်တချို့နဲ့ ဘောလုံးပွဲကို အပျင်းပြေ လာကြည့်တာတွေ့ပါတယ်။ ဘောလုံးပွဲက နောက်ဆုံး ၃ ဂိုး ၂ ဂိုးနဲ့ ရန်ကုန်က နိုင်သွားပါတယ်။ ဒါနဲ့ပြန်ခဲ့တော့ အပြင်လမ်းပေါ်မှာ လူတချို့ ရန်ဖြစ်တာ တွေ့လိုက်သေးတယ်။ နာမည်တူ သူဌေးမင်းကတော့ hammer ကားစီးပြီး ပြန်သွားရဲ့ ကွျန်တော်ရယ်၊ ကိုပြည်ဖြိုးရယ် ကိုဘိုဘို ရယ်ကတော့ ကျိုက်က္ကဆံ Super One အထိလမ်းလျောက် အအေးဝယ်သောက်ပြီး ပြန်ဖြစ်ခဲ့ကြပါတယ်။

ဓာတ်ပုံများကို အောက်မှာ ကြည့်လို့ ရပါတယ်။ တစ်နေရာထဲကနေ ရိုက်တာမို့ပုံတွေက angle ထပ်နေလို့ နည်း⁠နည်းပဲတင်လိုက်ပါတယ်။ အောက်ဆုံးကတော့ ကင်မလာနဲ့ ရိုက်ဖြစ်လိုက်တဲ့ ဗီဒီယိုလေးတွေ edit လုပ်ပြီး Vimeo မှာတင်ထားတာပါ။ ကံများကောင်းချင်တော့ ဒီနေ့ upload လုပ်တာ ချက်ချင်းကို အမြန်တက်သွားလို့ တွဲတင်နိုင်ပါတယ်။ ကျေးဇူးပါ။

Bus drove into A Store @ Shwe Gon Dine Point

Htoo Tay Zar — Mon, 24 Jan 2011 18:37:56 +0000

ဒီနေ့ မနက် (24 Jan 2011) အစောပိုင်း ၈ နာရီကျော်ကျော်လောက်မှာ ရွှေဂုံတိုင် မီးပိွုင့်မှာ လိုင်းကားတစ်စီး အရှိန်လွန်ပြီး လမ်းထောင့်က ဆိုင်တစ်ဆိုင်ကို ဝင်အောင်းပါတယ်။ ကားက ဘီအမ်ကားပါ အရှိန်အတော်ပြင်းပုံရပါတယ် သူမတိုက်ခင်ဖြတ်ရမယ့် ပလက်ဖောင်းကိုက ၁ ပေခွဲလောက် အမြင့်ရှိပါတယ်။ အဲဒါကို ကျော်ပြီးမှ တိုက်တာဆိုတော့ အရှိန်ကိုခန့်မှန်းကြည့်လို့ ရပါတယ်။ ဝင်တိုက်ခံရတဲ့ဆိုင်က မျက်နှာကျက် အလှဆင် မီးဆိုင်းတွေ ရောင်းတဲ့ဆိုင်ပါ။ မနက်အစောမို့ ဆိုင်မဖွင့်သေးပါဘူး။

ကားက ဆိုင်ပိတ်ထားပေမယ့် ဘာဂျာတံခါးကိုလဲ အရှိန်နဲ့တိုက်ပြီး အတွင်းက မှန်တွေခွဲပြီး မီးဆိုင်းတွေပါ ဝင်အောင်းပါတယ်။ ခေါင်းဝင်ကိုယ်ဆံ့ဆိုတာ ဒါမျိုးပဲထင်တယ် ကိုယ်ထည်ပါဝင်သွားတယ်။ ပုံမှန်ဆို မနက်တွေမှာ အဲဒီဆိုင်ရှေ့ ပလက်ဖောင်းပေါ်မှာ ဂျာနယ်၊ သတင်းစာ အခွဲသမားတွေ စာမျက်နှာစီ နေကြပါ။ ဒီနေ့တော့ ကံကောင်းချင်တော့ တစ်ယောက်မှ မထိပါဘူး။ လိုင်းကားပေါ်က ခရီးသည်တချို့ ဒဏ်ရာရတာနဲ့ လန့်နေတာမျိုးတွေ တွေ့ရပါတယ်။ လိုင်းကားက ကမာ္ဘအေးဘုရား ဘက်အခြမ်းကလာတာဖြစ်ပြီး ဆိုင်ထဲ မဝင်ခင် အိမ်စီးကားတစ်စီးနဲ့ တက္ကစီ တစ်စီးကိုလဲ တိုက်ခဲ့ပုံရပါတယ်။ ကားတွေ အဲဒီနားမှာ တွေ့ရတယ်။ ကံဆိုးချင်တော့ တိုက်စရာ လမ်းကွေ့ကွျန်းကော ဓာတ်တိုင်ကော ရှိပါရက်နဲ့ ဆိုင်ထဲကိုတောင်မှ အပေါ်အတိုင်း အတိအကျဝင်သွားတာ ကားသမားကံဆိုးတယ် ပြောရမယ်။ အထဲမှာ မီးဆိုင်းတွေက သိန်းချီတန်တာတွေ ချည်းပါပဲ။

ရန်ကုန်မြို့မှာ ကွျန်တော် သတိထားမိသလောက် ကားမတော်တဆမှု ဖြစ်လေ့ရှိတာ ရွှေဂုံတိုင်မီးပိွုင့်ရယ် နောက် မဟာဗန္ဒုလတံတား အဆင်းက ဒေါပုံဘက်အခြမ်းကွေ့တွေက မကြာမကြာဖြစ်လေ့ရှိပါတယ်။ ရွှေဂုံတိုင်ပိွုင့်က ကမာ္ဘအေးဘုရားဘက်ခြမ်းကလဲ ဂုံး အဆင်း အပေါ်ခြောက်ထပ်ကြီးဘက်ကလဲ အဆင်းအပြင် ပိွုင့်က အမြဲကားကျပ်တာတွေ ကြောင့်ဖြစ်တတ်ပါတယ်။ မဟာဗန္ဒုလတံတားဘက်ကတော့ တံတားအဆင်းကြီးမှာ ချဉ်းကပ်လမ်းတောင် မပါဘဲ တန်းပြီးကွေ့ရတာဖြစ်နေတာရယ် လမ်းကလိှုင်းထနေတာတွေ ကြောင့်ပါ။ ဒီနေ့ အဲဒီဘက်လဲ ရောက်ဖြစ်တော့ အဲဒီမှာ လမ်းအကာတွေ ကွန်ကရစ်နဲ့ တစ်ဘက်ကိုမြင့်ပြီး အရှိန်ထိန်းဖို့ ဇောင်းလုပ်နေတာတွေတော့ တွေ့ခဲ့ရပါတယ်။ ဒါတောင် ညနေမှာ ကားတစ်စီး မီးတောက်ပြီး ဘောနက်အပေါ်က ဆေးတွေ ကြွတက်နေတာ မီးပိွုင့်တစ်ခုမှာ မြင်ခဲ့သေးတယ်။ ကင်မရာထုတ်ရိုက်ရမှာ ပျင်းသွားလို့ ပုံမတင်နိုင်တော့တာပါ။

How To ReNew Your Myanmar Passport

Htoo Tay Zar — Fri, 21 Jan 2011 13:44:43 +0000

အရင်က How To Apply Myanmar Passport ဆိုတာ ရေးပြီးတဲ့ နောက် ၃ နှစ်ကျော် အကြာ အခုတစ်ခေါက်ကတော့ How to Renew Your Passport အကြောင်းဖြစ်ပါတယ်။ ပြီးခဲ့တဲ့ နှစ်က ရုတ်တရတ် အစီအစဉ်မရှိပဲ စင်ကာပူ ထွက်သွားတော့ သေချာမကြည့်ခဲ့တာမို့ ပတ်စပို့ သက်တမ်းကုန်ခါနီး ရောက်သွားဖြစ်ပါတယ်။ တကယ်တမ်းတော့ ဟိုမှာ အကြာကြီးနေဖို့လဲ အစက အစီအစဉ်မရှိတာကြောင့် ပါ⁠ပါတယ်။ သက်တမ်းတိုးရမယ်ဆိုတော့ စင်ကာပူ မြန်မာသံရုံး ၂ ခေါက်လောက် သေချာအောင်သွားကြည့်တော့ နေရတာနဲ့ မကာမိအောင် အခွန်ေငွ ပေးရမယ့်ကိန်းဆိုက်နေတာမို့ ရန်ကုန်ပြန်ပြီး သက်တမ်းတိုးဖြစ်ပါတော့တယ်။

ပထမ လန့်နေသေးတယ် ေငွမဆောင်ပဲ မြန်မာပြည်ပြန်လာရင် လေဆိပ်မှာ ရစ်ခံထိမယ်ထင်တာ ကံကောင်းလို့ ဘာမှမဖြစ်ဘူး။ ဒီကြားထဲ လက်ကျန် ပတ်စပို့ကလလေးနဲ့ ဘန်ကောက် ဘားကမ့် သွားဖြစ်လိုက်သေးတယ်။ မြန်မာပြည်က ထိုင်းသံရုံးက ဗီဇာ မပေးဘူးလုပ်နေတာ အတော်လေးလုပ်ယူလိုက်တော့မှ တုံးထုပေးလိုက်တယ်။ ဒါတောင် ဟိုဘက်ကို သူတို့ အာမမခံဘူးဆိုလို့ လေယာဉ်ပေါ် ဘုရားတရသေးတယ် ကံကောင်းချင်တော့ ဘန်ကောက် လူဝင်မှုကြီးကြပ်ရေးက တုံးထပ်ထုပေးလိုက်လို့ လေဆိပ်ကနေ မြို့ထဲထွက်ခွင့်ရတော့တယ်။

အဲဒီကနေ ရန်ကုန်ပြန်ရောက်ပြီးတဲ့ နောက် ပတ်စပို့သက်တမ်းတိုးဖြစ်ပြီး အခုစာအုပ်အသစ် ဘားကုတ်နဲ့ လက်ဝယ်ပြန်ရပြီမို့ ကွျန်တော်ကြုံခဲ့ရတဲ့ သက်တမ်းတိုးတုန်းက အခက်အခဲတွေ၊ ဘယ်သူ့မှမေးလို့မရတဲ့ အဆင့်တွေကို ဘလော့ဂ်မှာ ပြန်ရေးဖြစ်ပါတယ်။ ပြည်တွင်းမှာ စာအုပ်အသစ်သက်တမ်းတိုးဖို့ စဉ်းစားနေသူများ လွယ်ကူ အဆင်ပြေအောင်ပါ။ မလိုသေးလဲ ကွျန်တော့်ဘလော့ဂ်မှာ ရေးဖူးတာ စိတ်ထဲမှတ်ထားပြီး လိုတဲ့ အချိန် ပရင့်စာရွက်ထုတ်ပြီး သွားလုပ်နိုင်ပါတယ်။

1 ~ ပထမဆုံး ပတ်စပို့စာအုပ် သက်တမ်းတိုးတော့မယ်ဆိုရင် ကိုယ့်စာအုပ်ဖတ်ပြီး တွက်ကြည့်ပါ နိုင်ငံခြားမှာ ၃ လအထက်နေခဲ့တယ်ဆို အခွန်ေငွဆောင်ဖို့ လိုပါတယ်။ အလည်ပဲနေနေ၊ ပျော်လို့နေနေ၊ အလုပ်နဲ့ပဲနေနေ ပေးကို ပေးရပါတယ်။ သွားခဲ့တဲ့ ခရီးတွေက တစ်ကြိမ်ထဲနဲ့ ၃ လလောက်မကြာခဲ့ဘူးဆိုရင် ဆောင်စရာမလိုပါဘူး။

2 ~ အမှန်တော့ စာအုပ်သက်တမ်းတိုးတယ် လို့သာဆိုတာပါ တကယ်လုပ်ရတဲ့ အဆင့်တွေက စာအုပ်ပထမဆုံး စလုပ်တုန်းကအတိုင်းပဲ ပိုလာတာ အဲဒီ အခွန်ဆောင်ရတာတွေပါပဲ။ ၃ လအထက်နေခဲ့တယ်ဆိုရင် အခွန်ဆောင်ဖို့ အရင်လုပ်ရပါမယ်။ အဲဒါက ကိုယ့် သန်းခေါင်စာရင်းရှိတဲ့ မြို့နယ် အခွန်ရုံး မှာပဲ ဆောင်လို့ရပါတယ်။ အခွန်ရုံးကနေ ၃ လအထက်ပိုနေခဲ့တဲ့ လတွေကို တစ်လကို ဘယ်လောက်ဆိုပြီး တွက်ပါတယ်။ ကွျန်တော်ကြတော့ စင်ကာပူမှာ ကျော်ခဲ့တာဆိုတော့ စင်ကာပူေငွနဲ့ လတွေပြန်ဆောင်ရပါတယ်။ မြို့နယ်အခွန်ရုံးမှာ အလှူေငွပေးပြီးတဲ့နောက် သူတို့ တွက်ပေးလိုက်တဲ့ စာရွက်နဲ့ ေငွပမာဏကို နိုင်ငံခြားကုန်သွယ်မှု့ဘဏ်မှာ ေငွသွားသွင်းရပါတယ်။

3 ~ ေငွကို မြို့လယ် ဗဟိုတရားရုံးဘေးက နိုင်ငံခြား ကုန်သွယ်မှု့ဘဏ်မှာ ဆောင်ရပါတယ်။ မြန်မာေငွနဲ့ ပြန်တွက်ပြီးဆောင်ရပါတယ်။ ေငွကို အပြင်ကပေါက်စျေးနဲ့ တိုက်ရိုက်တွက်ဆောင်လို့ မရပါဘူး။ အပြင်ထက်ပိုလဲ ပေးရသလို ဘဏ်ကနေ ေငွဆောင်ပေးတဲ့ ဘဏ်အကောင့်ပိုင်ရှင် ကိုလဲ ေငွပေးရပါသေးတယ်။ အဲဒါက ေငွသွင်းပြီး ဘာလက်မှတ်မှလဲ မရပဲ ၂၄ နာရီကျော်လောက်စောင့်ရပါတယ်။ ြပြီးရင်ရလာတဲ့ ေငွသွင်းပြီးကြောင်း စာရွက်တွေကို မိတ္တူဆွဲထားပြီး မြို့နယ် အခွန်ရုံးကို ပြန်သွားရပါမယ်။

4 ~ အခွန်ရုံးမှာ ေငွဆောင်ပြီးကြောင်း စာရွက်ထပ်ထုတ်ပေးလိုက်ပြီးတဲ့ နောက် အဲဒီစာရွက်နဲ့ သက်ဆိုင်ရာ မြို့နယ်မှာပဲ မြန်မာ့ စီးပွားရေးဘဏ်ကို သွားရပါတယ်။ အဲဒီမှာ ေငွသွင်းခဲ့ပြီးကြောင်းစာရွက်ပေးလိုက်ရင် သူတို့က တုံကင်စာရွက်ပြန်ထုတ်ပေးပြီး ၅ ရက်လောက်နေမှ ပြန်လာခိုင်းပါတယ်။ ၅ ရက်လောက် အဲဒီေငွ သွင်းပြီးကြောင်းစာရွက်လေးကို စီးပွားရေးဘဏ်တွေ အဆင့်ဆင့် တင်သွားပြီး အဆင့်ဆင့်ပြန်ကျလာတဲ့ အခါ ပြန်သွားယူပါ။ စာရွက်ကို မိတ္တူဆွဲပါ။

5 ~ ပြီးတော့မှ ပန်းဆိုးတန်းက ပတ်စပို့ ရုံးမှ ဖောင်စတင်ဖို့ လုပ်ရပါမယ်။ အပေါ်က အဆင့်တွေက နိုင်ငံခြားမှာ ၃ လအောက်ပဲ နေခဲ့တဲ့သူတွေ လုပ်စရာမလိုပါဘူး။ အခု အဆင့်ကနေ စလုပ်ရမှာပါ။ တကယ်တော့ ဒီအဆင့်တွေအားလုံးက ပထမဆုံး ပတ်စပို့ စလုပ်တုန်းက အတိုင်းပဲ ဘာမှ လျော့လုပ်ရတာမရှိပဲ ေငွပိုဆောင်ရတာသာ ကွာပါတယ်။ ပထမဆုံး ေငွ ၃၀⁠၀၀ စသွင်းပြီး ဓာတ်ပုံ ရိုက်ခံပါ။ ရလာတဲ့ စာရွက်နဲ့ အိမ်ပြန်ပါလေ။ နောက်နေ့မှာ ပြန်လာပြီး ဓာတ်ပုံရွေးပါ။

6 ~ ဓာတ်ပုံရရင် ရုံး ဒုတိယထပ်မှာ ဖောင်ဝယ်ပါ။ ဖြည့်ပါလေ။ ဖောင်ဖြည့်တယ်ဆိုတာ စာအုပ်စလုပ်တုန်းက ဖောင်ပါပဲ ဘာမှမအဆန်းမဟုတ်ပါ။ ပြီးရင် ရုံးအောက်ထပ်က ဘဏ်မှာ ေငွ ၃၀⁠၀၀၀/ ပေးဆောင်ပါ။ အဝါရောင် ဘဏ်ဖြတ်ပိုင်းပေးပါမယ် ပြီးရင် အပေါ် တတိယထပ်မှာ နိုင်ငံခြားမှာ ၃ လကျော်နေခဲ့သလား ေငွဆောင်ဖို့ ကျန်မကျန် စစ်တဲ့ နေရာကို သွားရပါမယ်။ ဒီနေရာမှာ အပေါ်က ကွျန်တော်လို ဆောင်မထားတဲ့သူတွေ အပေါ်ကအဆင့်တွေ ပြန်လုပ်ရပါမယ်။ နားလည်မှုတွေနဲ့ ညှိလုပ်လို့မရပါဘူး။ ကွျန်တော်ကိုတိုင်လဲ ဒီအဆင့်အရင်လုပ်မိလို့ ေငွပြန်ဆောင်ရပါတယ်။ တကယ်လို့ ဆောင်ပြီးပြီဆိုရင် တစ်ဆင့်ပြီးသွားပါပြီ။

7 ~ နောက်ကတော့ အရင်ကုန်သွားတဲ့ ပတ်စပို့စာအုပ်ကို တစ်အုပ်လုံး မိတ္တူ ၂ စုံ ကူးပါပြီးရင် တတိယထပ်က ဖောင်စီတဲ့ နေရာမှာ ဖောင်သွားစီပါ။ အဲဒီမှာ စာအုပ်အဟောင်းကို စာအိပ်ထဲထည့်ချုပ်ပြီး သိမ်းပါလိမ့်မယ်။ ဓာတ်ပုံတွေလဲ ကပ်ပြီး ဖောင်လဲ ဖြည့်တာအကုန်မှန်ပြီဆို တွဲပေးထားတဲ့ ဖောင်တွေကို ရုံးအောက်ဆုံး မြေညီထပ်မှာ သွားတင်ပါ။ သူက မနက်အစောတင်ရင် နေ့လည် ၁၂ လောက်ချိန်းပါတယ်။ ၁၂ လောက်မှာ ရုံးအပေါ်ဆုံးထပ် ၄ ထပ်မှာ တုံကင်ယူဖို့ အတွက် ကိုယ့်နာမည်ခေါ်တဲ့ အထိစောင့်ပါ။ ရပြီဆို တုံကင်ရယ် လက်ကျန်ဖောင်တွေနဲ့ အောက်ဖက် တတိယထပ်မှာ လူရှင်းတဲ့ ကောင်တာမှာ တင်ပါ။ သူများတင်တဲ့ ကောင်တာလိုက်တင်ရင် အချိန်ကြာပါတယ်။ ကောင်တာတင်ရင်သူက မှတ်ပုံတင်မူရင်း၊ သန်းခေါင်စာရင်း မူရင်းနဲ့ စစ်ပါတယ်။ ပြီးရင်လက်ခံထားရင် နောက် ၂ နာရီလောက် နာမည်ခေါ်တဲ့ အထိစောင့်ပါ။

8 ~ နာမည်ခေါ်ပြီဆို ကောင်တာမှာ digital လက်ဗွေနှိပ်စက်မှာ လက်ဗွေပေးပါ။ Digital pen နဲ့ လက်မှတ်ထိုးပါ။ ပြီးရင် သူက ေငွကြေးတစ်စုံတစ်ရာပေးရန်မလိုဆိုတဲ့ ဆိုင်းဘုတ်အောက်ကနေ လူတိုင်းကို တစ်ထောင်စီတောင်းပါလိမ့်မယ်။ ပေးပါပြီးရင် စလစ်ခေါ် ကိုယ့်ဓာတ်ပုံနဲ့ အဖြူရောင် ပရင်တာထွက် စာရွက်လေးပေးပါမယ်။ နာမည်တွေ အထီး အမတွေ မှတ်ပုံတင် စာအုပ်အဟောင်း အဖေ နာမည်တွေ မှန်မမှန်စစ်ပါ။ မှားပြီး ထုတ်ပေးတတ်ပါတယ်။ မမှန်ရင် ချက်ချင်းပြောပါ။ မှန်ရင်တော့ ယူပြီး သိမ်းထားပါ။ အဲဒီနေ့ အဖို့ ပြီးပါပြီ။ အဲဒီစာရွက်ကိုင်ပြီး ၃ ပတ်လောက် စောင့်ရပါမယ်။ ကြားထဲမှာ အောက်ကအဆင့်တွေ လုပ်ထားပါ။

၉ ~ နောက်တစ်ခေါက်ကတော့ အဲဒီ စလစ်ခေါ် စာရွက်ကိုင်ပြီး သန်းခေါင်စာရင်းရှိရာ မြို့နယ် အခွန်ရုံးမှာ အခွန်မှုးနဲ့ တွေ့ပါ။ ပြီးရင်ထုတ်ပေးမယ် ပုံစံ ၁၇ စာရွက်ယူပါ။ ပုံစံ ၁၇ စာရွက်သက်တမ်းက ၂ လသာခံပါတယ်။ နောက် သန်းခေါင်စာရင်းရှိရာ ရက်ကွက်က လူကြီးဆီမှာ နေထိုင်ကြောင်း လက်မှတ်စာရွက်ယူပါ။

၁၀ ~ ပြီးရင်တော့ ပန်းဆိုးတန်းက ပုံစံ ၁၉ ရုံးမှာ ပုံစံ ၁၇ ကိုင်ပြီး စာရွက်တွေဖြည့်ပါ။ နောက် အထဲက ဘဏ်မှာ ေငွသွင်းပါ။ ပြီးရင် နာမည်ခေါ်ရင် ထပြီးစာရွက်ယူပါ။ ပုံစံ ၁၉ ထုတ်ပေးပါလိမ့်မယ်။ ပုံစံ ၁၉ က သက်တမ်း ၆ လခံပါတယ်။ အဲဒီ ၁၉ စာရွက်ရပြီဆိုရင် စလစ်စာရွက်နဲ့ အတူတူကိုင်ပြီး ပန်းဆိုးတန်း ပတ်စပို့ရုံး အောက်ဆုံးထပ် လှေကားဘေးက စာအုပ်ထုတ်ပေးတဲ့ နေရာမှာ သွားပေးလိုက်ရင် ပတ်စပို့စ် စာအုပ် အသစ်စက်စက် ဘားကုတ် ဒီဂျစ်တယ်စနစ်ပါပြီးသား တစ်ခုကို လက်ဝယ်ရရှိမှာ ဖြစ်ကြောင်း သတင်းကောင်းပါးအပ်ပါတယ်။

စာအုပ်သက်တမ်းတိုးတော့ မယ်ဆိုရင် အကြံပေးချင်တာက ပိုက်ဆံ အကြွေများ⁠များဆောင်ထားပါ။ မိတ္တူဖိုး အပြင် ဖောင်ဖိုးစတာတွေ ပေးရတဲ့ အခါ အကြွေလိုပါတယ်။ ပိုပေးရင် ပြန်မအမ်းပါ။ နောက် ပတ်စပို့ရုံးက လွယ်အိတ်တွေ မပြောနဲ့ ကွျတ်ကွျတ်အိပ်တောင် ဆိုဒ်ကြီးရင် ပေးမသယ်ခိုင်းပါဘူး။ ဖြစ်နိုင်ရင် ဖိုင်အကြည်ကိုင်သွားပါ။ ကုန်ကျစာရိတ်အားလုံးက တွက်ကြည့်ရင် နိုင်ငံခြားမှာ ဆောင်တာထက် ပိုက်သက်သာပေမယ့် ၁ လလောက်ကြာတာကတော့ ဆိုးပါတယ်။

ဒီနေ့လို့ ဒီဂျစ်တယ်ခေတ်မှာ ဘာမဟုတ်တဲ့ ကြိုးနီစနစ်က အချိန်ကြာပါတယ်။ လုပ်ခဲ့ရတဲ့ အထဲ စိတ်ပျက်တာကတော့ နိုင်ငံခြားဘဏ်မှာ ေငွသွင်းရတာပါ။ ကွျန်တော်က အစကတည်း ပွဲစားတွေ ကြည့်မရသူမို့ ကိုယ့်ဖာသာ လုပ်ပေမယ့် အဲဒီမှာ ပွဲစားမပါလို့ မရတော့တဲ့ အခြေအနေဖြစ်သွားတယ်။ နောက်ဆုံး အမေ မန်နေဂျာနဲ့ တွေ့လိုက်တော့မှ အဆင်ပြေသွားတယ်။ ေငွဆောင်တဲ့ နေရာမှာ အဲဒီ ဘဏ်မှာ ဆောင်ခိုင်းတာ ဘာသဘောလဲ နားမလည်ပါ ဘဏ်အကောင့်ရှိတဲ့သူလိုက်ရှာရတာ အဆိုးဆုံးပဲ။ အဆင်မပြေအောင်များ စနစ်တကျ လုပ်ထားလေရော့သလားပဲ။ ပွဲစားတွေ ဂွင်ကောင်းနေတော့တာပဲ။ အကြံပေးချင်ပါတယ် ပြည်တွင်းမှာလုပ်မယ်ဆုိ ကိုယ့်ဖာသာလုပ်ပါ။ ဘာမှမခက်သလို ဘယ်သူမှလဲ မရစ်ပါဘူး။ ေငွအပိုပေးဖို့လဲ မလိုပါ မြို့နယ် အခွန်ရုံးနဲ့ စလစ်ထုတ်တဲ့ နေရာကလွဲ ရင်ပေါ့လေ။ ဘာပဲပြောပြော စာအုပ်လက်ထဲမှာ အသစ်လေးရောက်လာတာ ဝမ်းသာရတယ်။ စလုံးက အရင် company ကော နောက်အသစ် အချို့ကောကွျန်တော့် portfolio ကနေတစ်ဆင့် စာပို့ပြီး အလုပ်ခန့်ဖို့ပြောပေမယ့် လောလောဆယ် အမေနားပဲ နေချင်သေးတာကြောင့် ပြည်တွင်းကနေပဲ ဘလော့ဂ်ဖြစ်နေဦးမှာပါ။ ကျေးဇူးပါ။

Credit ~ Passport photo from Shwedarling

Amazing Stunts and Tricks by Aung Zaw Oo

Htoo Tay Zar — Sun, 02 Jan 2011 19:29:58 +0000

တစ်နေ့က ဆိုဒ်တစ်ခုမှာ Stunt ဗီဒီယို တစ်ခုကြည့်ဖြစ်ပါတယ်။ နာမည်ကြီး ဘလော့ဂ်လို့ပြောလို့ရတယ် အဲဒီမှာ မြန်မာနာမည်တွေ့လို့ စိတ်ဝင်စားသွားတာပါ။ အောင်ဇော်ဦး (Aung Zaw Oo AKO) လို့ခေါ်တဲ့ သူတစ်ယောက်လုပ်ပြသွားတာ တွေ့ပါတယ်။ တကယ်ကို စတန့်တွေ ကွျမ်းကွျမ်းကျင်ကျင် လုပ်ပြသွားပါတယ်။ ကွျန်တော်ကတော့ အမေရိကန်ကပါ အမေရိကတစ်ယောက် မြန်မာတစ်ယောက်လို့ ယူဆပါတယ်။

စတန့်တွေမှာ နံရံကန်ပြီး ဂွျမ်းပစ်တာတွေ နံရံကန်ပြီးပြေးတာတွေ ဓားသိုင်း၊ တုတ်သိုင်းပြတာတွေ ကောအစုံပါပဲ။ ကြိုက်တာပြောရရင် အံစာတုံး သုံးတုံးကို ခွက်နဲ့ ခေါက်ပြီး နောက်ဆုံးဖွင့်လိုက်တဲ့ အချိန် ၃ တုံးလုံး ထပ်ပြီးသားဖြစ်သွားတာ အရမ်းသဘောကျတယ် နောက် စကိတ်နဲ့ လုပ်တဲ့ စတန့်တွေ ကြိုက်တယ်။ တကယ့် ပရိုတစ်ယောက်ပဲဆိုပြီး FAQ ဗီဒီယိုပါ သူ့ YouTube channel မှာတွေ့လို့ ကြည့်တော့မှ သူက စတန့် လုပ်တာနဲ့ အသက်မွေးနေတာမဟုတ်ပဲ ဂိမ်း 3D animator တစ်ယောက် ဖြစ်နေတာပါသိရပါတယ်။

သူက Uber ဆိုတဲ့ ဂိမ်း studio မှာ အလုပ်လုပ်တယ်လို့ပြောပါတယ်။ လက်ရှိ Monday Night Combat ဆိုတဲ့ Xbox ဂိမ်းလုပ်နေတယ် ပြောပါတယ်။ သူ့ရဲ့ အပြင်ဘ၀က စတန့်တွေက ဂိမ်းလုပ်ဖို့အတွက် inspiration ယူတယ်ပြောတယ်။ အားလပ်ချိန်တွေမှာ အဲဒီ စတန့်တွေ လေ့ကျင့်တယ်လို့လဲ ဆိုပါတယ်။ စတန့်တွေကို မကြည့်ဖူးသေးရင် ကြည့်ကြည့်ပါ တကယ် အံ့ဩဖို့ကောင်းပါတယ်။ နိင်ငံခြားက ဆိုဒ်တွေလဲ ညွှန်းကြတာတွေ့ရပါတယ်။ YouTube က ဗီဒီယိုတွေဆို ကြည့်တဲ့ အရေအတွက် ၁ သိန်းကျော်တွေ ကြည့်ပါပဲ။ အဲဒီမှာ Stunt Tutorial တွေတောင်တင်ထားပေးသေးတာမို့ စိတ်ပါဝင်စားရင် ကျိတ်ပြီးကျင့်လို့ ရပါတယ်။ တစ်ခုခုဖြစ်ရင်တော့ ကွျန်တော် တာဝန်မယူပါဘူး လောလောဆယ်တော့ သူရဲ့ 2010 Showreel တင်ထားလိုက်တယ်။ စိတ်ဝင်စားရင် နောက်ထပ်အများကြီး သူ့ Channel မှာ ကြည့်လို့ရသေးတယ်လို့ ညွှန်းချင်ပါရဲ့။ ဂုဏ်ယူပါတယ် ကိုအောင်ဇော်ဦး အားပေးနေပါတယ်။

This Article is written by using Unicode font.

My Burmese Blog » Burma

Burmese Tour Guide Kid Speaking 4 Languages

Related Posts

Lion ~ First Well Known OS Comes with Myanmar Unicode

Unicode Related Articles

Related Posts

3rd Anniversary Of Nargis Cyclone

Related Posts

Origin Of Arakanese and Burmese Scripts

Related Posts

Trip To Arakan, Sittwe & Myauk Oo

Related Posts

Applying Myanmar CDMA EVDO Internet

Related Posts

YGN Utd VS Zayar Shwe Myay FC Match

Related Posts

Bus drove into A Store @ Shwe Gon Dine Point

Related Posts

How To ReNew Your Myanmar Passport

Related Posts

Amazing Stunts and Tricks by Aung Zaw Oo

Related Posts