ပြီးခဲ့တဲ့နေ့က မတွေ့တာ နှစ်အတော်ကြာပြီဖြစ်တဲ့ ဘော်ဒါတစ်ကောင် ဖုန်းဆက်လာလို့ မြို့ထဲမှာတွေ့ဖြစ်ပါတယ်။ ဒီကောင်က ကျွန်တော်နဲ့ ပထမနှစ်ကတည်းက တူတူတက်ခဲ့တဲ့ ကောင်ပေါ့ စိုးညီညီ လို့ခေါ်တယ် ဘော်ဒါအချင်းချင်းကတော့ ကျောင်းတက်ကတည်းက နှုတ်ကျိုးနေသလို ယောက်ဖ ပဲ အချင်းချင်းခေါ်တယ်။ အင်းတွေ့ဖြစ်တော့ ရှေးဟောင်းနှောင်းဖြစ်တွေ ပြောဖြစ်ကြတယ်။ ဒီကောင်က အခု ရန်ကုန် က သယ်ယူပို့ဆောင်ရေးရုံးတစ်ခုမှာ မန်နေဂျာလိုတောင်ဖြစ်နေပြီ။
ဖားအံထောင်မှာ အနှစ် ၂၀ နဲ့ ၆ လကျော် အကျဉ်းကျခံနေရတဲ့ ဘလော့ဂ်ဂါ ကိုနေဘုန်းလတ် ၁၃ ရက်နေ့ မလွှတ်ခင်ကတည်းက ၁၂ ညလောက် ကတည်းက နောက်ရက်လွတ်မယ်ဆိုပြီး သတင်းကြားနေခဲ့ရပါတယ်။ ပထမ အခေါက် လွတ်ငြိမ်းချမ်းသာခွင့်ပေးတုန်းက မပါခဲ့တော့ ဒီတစ်ခါလဲ မသေချာသလိုလိုဖြစ်နေပေမယ့် ၁၃ ရက်မနက်ပိုင်းမှာ ဖားအံထောင်က ထွက်လာပြီလို့ သတင်းဓာတ်ပုံရိုက်ဖို့ ရောက်နေတဲ့ ကိုစိုးကြီးက သတင်းပေးလို့ သိခဲ့ရပါတယ်။
ဒီနေ့ မနက်မှာ ဘန်ကောက် ကို နောက်တစ်ခေါက် ထပ်ရောက်ဖြစ်ပါတယ်။ ဒီတစ်ခေါက်ကတော့ တစ်ယောက်ထဲလာတာပေါ့။ သုဝဏ္ဏဘူမိ လေဆိပ်မှာ ဆင်းပြီးတာနဲ့ အရင်တစ်ခေါက်ကလို ကားမစီးတော့ပဲ ငွေကုန်သက်သာအောင် sky train စမ်းစီးဖြစ်ပါတယ်။ Sky train ဆိုတော့ တာမင်နယ်တွေ အင်မီဂရေးရှင်းတွေ ဖြတ်ပြီးတော့ နောက်တစ်ထပ်အပေါ် တက်ကြည့်တာပေါ့ ဘာမှမတွေ့လို့ အင်ဖော်မေးရှင်းစင်တာမှာ မေးလိုက်တော့ မြေအောက်ထဲမှာ ဆိုတာနဲ့ အောက်ထဲ ဆင်းရတယ်။ ဟုတ်ပါတယ် အောက်ထဲမှာပါ Google Map မှာ ညကတည်းက ကြည့်ပြီးသား Phaya Thai အထိ စီးရမှာ ဆိုတော့ မေးလိုက်တော့ ၄၅ ဘတ်ကျပါတယ်တဲ့။
လွန်ခဲ့တဲ့ ရက်တွေထဲက တစ်ရက်မှာ မတွေ့တာကြာတဲ့ ပြည်တွင်းက ဘလော့ဂ်ဂါ မောင်နှမတွေ ပြန်စုစည်းဖြစ်ကြပါတယ်။ ကွျန်တော်တို့ အနေနဲ့ မတွေ့ဖြစ်တာလဲ ကြာတာတစ်ကြောင်း Blog Day 2011 ကို နီးလာတာကလဲ တစ်ကြောင်းကြောင့် အထိမ်းအမှတ်ပွဲမျိုးလေး လုပ်ဖို့ အစီအစဉ်ဆွဲကြဖို့ပါပဲ။
မနက်ဖြန် မနက်မှာ deadline တစ်ခု ရှိနေတယ်။ ဒါပေမယ့် စိတ်ညစ်နေလို့ ထွက်ပေါက်ရအောင် ဘလော့ဂ်ပို့စ် တစ်ခု ရေးဖြစ်တယ်။ ညတွေလဲ မအိပ်ရတာများပြီ အလုပ်တွေ ရှိနေတာကြောင့် ဖြစ်ပေမယ့် အဆိုးဆုံးက လူမှု့ပြသနာတွေ ရှင်းနေရတာပါပဲ။ ကွျန်တော့်မှာက ငယ်ငယ်ကတည်းက တစ်ယောက်ထဲနေလေ့ရှိတာကြောင့် ပြောပြရမယ့်သူလဲ မရှိတာကြောင့် ဘလော့ဂ်က စာဖတ်သူတွေ ဆီမှာပဲ ပြောပါရစေတော့။ အရင်ကတော့ အမေနဲ့ ပြောလေ့ရှိပေမယ့် ဒီတစ်ခေါက်က အမေ့ကို ဘာမှ ပြောချင် စိတ်မရှိပါဘူး။
ဒီရက်ပိုင်းမှာ အွန်လိုင်းပေါ်မှာ နိုင်ငံခြားရောက် မြန်မာ တစ်ယောက်နဲ့ နိုင်ငံခြားသား ဓာတ်ပုံဆရာတစ်ယောက်ရဲ့ ဓာတ်ပုံ copyright ကိစ္စ ဖတ်မိပါတယ်။ အစက ဘာမှမပြောလိုပေမယ့် နိုင်ငံခြားရောက် မြန်မာဘလော့ဂ်ဂါရဲ့ ရေးသားပုံ အမြင် perspective ကို သဘောမကျတာကြောင့် အခုစာကို ရေးဖြစ်ပါတယ်။
ဖြစ်ပုံက အဲဒီ မြန်မာဘလော့ဂ်ဆိုဒ်မှာ photo manipulation ခေါ်တဲ့ ဓာတ်ပုံပြုပြင်ပြောင်းလဲ ပေါင်းစပ်တဲ့ နည်းနဲ့ ပုဂံဘုရားပုံနဲ့ စစ်ကျန် ဗိုက်ပူ ဘက်စ် ကားတစ်စီးတွဲထားတဲ့ ပုံမှာ စတာဖြစ်ပါတယ်။ တစ်ဖက်က နိုင်ငံခြားသားက စစ်ကျန် ဘက်စ် ကားပုံဟာ သူ့ပုံဖြစ်ပါတယ်ဆိုပြီး ပြောလာတာပါ။ သူပြတဲ့ သူ့ကိုယ်ပိုင်ရိုက်ပုံ အထောက်အထား စတာတွေ အရ bus ကားရဲ့ ထောင်မြင်ကွင်း ကားနံပါ စတာတွေဟာ အတော်လေးဆင်တူနေတာ တွေ့ရပါတယ်။ ကွျန်တော်အနေနဲ့ comment ပေးတာထက် စာဖတ်သူ ကိုယ်တိုင် ယှဉ်ကြည့်ပြီး judge လုပ်တာ ပိုကောင်းမယ်ထင်ပါတယ်။ ဒီ ကိစ္စအတွက်တော့ သိပ်ထွေထွေထူးထူး မပြောလိုပါဘူး အဲဒီ နိုင်ငံခြားသားက မူရင်း ဓာတ်ပုံဆရာ ဟုတ်မဟုတ်လဲ ကွျန်တော် စိတ်မဝင်စားဘူး။
၂၀၁၁ ဇန်နဝါရီ ၄ ရက်နေ့က ရခိုင်ပြည်နယ် စစ်တွေမြို့ဘက်ကို အလည်အပတ်သွားဖြစ်ပါတယ်။ ခရီးက အမှန်တော့ ထွက်ဖို့ စီစဉ်ထားတာမဟုတ်ပေမယ့် ဦးလေးက အဲဒီဘက်ကို အလုပ်ကိစ္စနဲ့ သွားစရာရှိတာကြောင့် လိုက်သွားဖြစ်တာပါ။ ရခိုင်ဆို ငပလီ၊ သံတွဲဘက် ငယ်ငယ်တုန်းက ရောက်ဖူးပေမယ့် စစ်တွေကိုတော့ မရောက်ဖူးတာကြောင့် ပထမဆုံး အကြိမ်ဖြစ်ခဲ့ပါတယ်။ အဲဒီတုန်းက ခရီးသွားနေတယ် ဆိုပေမယ့် ဘလော့ဂ်မှာက schedule post လုပ်ထားခဲ့တာမို့ ကွျန်တော်မရှိပေမယ့် တစ်နေ့ post တစ်ပုဒ်တော့ တက်နေခဲ့ပါတယ်။
ဒီနေ့ကတော့ ဓာတ်ပုံတင်စရာလဲ မရှိတော့တာမို့ ကွျန်တော်နဲ့ ကင်မရာ အကြောင်းပြောဖို့ အချိန်ရောက်လာပါတယ်။ အရင်ကတည်းက အိမ်မှာ ကင်မရာဆိုလို့ ဖလင်ကင်မရာကော နောက် ဒီဂျစ်တယ်ခေတ်မှာကော point and shoot camera မျိုးတောင် မဝယ်ဖြစ်ပါဘူ။ တစ်အိမ်လုံးလဲ ဓာတ်ပုံရိုက်ရတာရော ကြည့်ရတာရော ဝါသနာ မပါကြပါဘူး။ အမှန်အတိုင်းပြောတာပါ အခုထိလဲ ကွျန်တော် ဓာတ်ပုံဆိုတာ အတိတ်ကိုပြန်လွမ်းနေတဲ့ အရာပဲလို့ တွေးနေတုန်းပါ။ ဓာတ်ပုံတွေလဲ ကြည့်လေ့မရှိပါဘူး။
လွန်ခဲ့တဲ့ အပတ်က ၅ သိန်းတန် CDMA ဖုန်းအတွက် EVDO သွားလျောက်ဖြစ်ပါတယ်။ ၅ သိန်းတန် ဒေါ်လာ ၅၀၀ တန် ဖုန်းက မြန်မာပြည်မှာ လက်ရှိ ၃ မျိုးရှိပါတယ်။ CDMA 800 MHz ခေါ် ရန်ကုန်ဖုန်း ရှိတယ်၊ CDMA 450 MHz ခေါ် နေပြည်တော်ဖုန်းရှိတယ်၊ နောက် ၅ သိန်းတန် GSM ဆိုတာလဲ ရှိသေးတယ်။ အဲဒီထဲကမှ 800 MHz အတွက် လျောက်တာပါ။ နောက်လူများ အင်တာနက် လျောက်မယ်ဆို လွယ်အောင် steps တွေ အခုတင်ထားလိုက်ပါတယ်။
ဒီအပတ်တွေမှာ ကွျန်တော်ကို အင်တာဗျူးတချို့မေးတာတွေ ရှိပါတယ် အထူးသဖြင့်တော့ ယူနီကုတ်ပြောင်းလိုက်တဲ့ ကိစ္စနဲ့ ပက်သတ်ပြီးတော့ပါပဲ။ ပြည်တွင်းက printed media တွေလဲ ပါပါတယ် နောက် လောကအလှ အွန်လိုင်း magazine က အမ တစ်ယောက်မေးတာလဲ ပါပါတယ်။ နောက် VOA အသံလွှင့်ဌာနကလဲ ပါပါတယ်။
