2 Jan, 2012
ပြီးခဲ့တဲ့ ၂၈ ရက်မှာ မီးလောင်ပေါက်ကွဲခဲ့တဲ့ စက်ဆန်း ဂိုထောင်တွေဘက်ကို နောက်တစ်ခေါက်ရောက်သွားဖြစ်ပါတယ်။ ပထမတော့ ဒုက္ခသည်စခန်းဘက်မှာ မနက်ပိုင်း ၃၀ ရက်နေ့မှာ ဓာတ်ပုံရိုက်ဖြစ်ပါတယ် နောက်တော့ မနီးမဝေးမှာ ရှိတဲ့ မီးလောင်ပြင်ကိုသွားဖြစ်တယ်။ ဝင်ဝင်ခြင်းမှာ အစောင့်ရဲအရာရှိတွေနဲ့ နဲနဲစကားပြောလိုက်ရတယ်။ နောက်တော့ အိုကေသွားတာနဲ့ အထဲ ဂိုထောင်တွေဘက်ကို အရင်ဝင်ဖြစ်ပါတယ်။ အထဲမှာ မီးမလောင်ပဲ အမိုးပျက်စီးရုံ ပြိုကျရုံလောက်ဖြစ်တဲ့ ဂိုထောင်တွေမှာ ပစ္စည်းတွေ ကုန်ကားနဲ့ သယ်နေကြတာတွေ့ပါတယ်။ ဒီ ဂိုထောင်တန်းတွေမှာ ဘာအဓိကထားလဲ ပြောရခက်ပါတယ်။ အားလုံးက စီးပွားရေးလုပ်ငန်းရှင် အမျိုးမျိုးဆိုတော့ တစ်ချို့ အခန်းတွေမှာ စားသောက်ကုန် ပဲစေ့လို အိတ်တွေရှိတယ်။ တော်တော်လေးကံကောင်းပြီး ကျန်ခဲ့တဲ့ အခန်းတစ်ခုက air con အကြီးစားတွေ မပျက်စီးပဲ ရှိနေတာ တွေ့ရပါတယ်။
Read the rest of this entry »
1 Jan, 2012
၃၀ ရက်နေ့မှာ National League for Democracy Party က ပညာရေးရန်ပုံငွေအတွက်လုပ်တဲ့ show ပွဲကို ရောက်ဖြစ်ပါတယ်။ ဒီပွဲကို MCC မှာ ညနေ ၃ နာရီကစလုပ်တာ ဖြစ်ပါတယ်။ အပြင်ဘက် ကွင်းပြင်မှာလုပ်ပြီး စျေးဆိုင်တန်းတွေနဲ့ တော်တော်စည်ပါတယ်။ ဖွင့်ပွဲ အခန်းအနားကို ဒေါ်အောင်ဆန်းစုကြည် ကိုယ်တိုင်တက်ရောက် အမှာစကားပြောပြီး အဆိုတော်များနဲ့ အတူဖွင့်လှစ်ပါတယ်။
Read the rest of this entry »
29 Dec, 2011
ဒီနေ့ မနက် ၂၉ ရက် မနက် အစောပိုင်း အမှန်တော့ ၂၈ ရက်ည ၁နာရီ ခွဲလောက်မှာ ကျွန်တော် အိမ်မှာ ကွန်ပျူတာရှေ့ထိုင် html ရေးနေတုန်း အုန်း ဆိုတဲ့ ပေါက်ကွဲသံကြီးနဲ့ အတူ အိမ်က တံခါးတွေကို တစ်ယောက်ယောက် စောင့်ကန်သလိုအသံတွေ ဘေးနားက တိုက်တွေ မှန်ကွဲသံတွေပါ ကြားလိုက်ရပါတယ်။ အမှန်တော့ ကျွန်တော် နားကျပ်နဲ့ သီချင်းနားထောင်ရင်း အလုပ်လုပ်နေတာဗျ ပေါက်ကွဲသံက ဘယ်လောက်ကျယ်လဲဆို သီချင်းသံကျော်ပြီးဝင်လာတယ်။ ဒါနဲ့ အိမ်ဝရန်တာထွက်ကြည့်တော့ မင်္ဂလာမွန်စျေး နိုက်ကလပ်တွေ ရှိတဲ့ ဘက်က လူတွေ ပြေးထွက်လာတာ၊ ကားတွေ အများကြီးထွက်လာတာ တွေ့လို့ အဲဒီမှာ ဗုံးပေါက်တယ် ထင်လိုက်တယ်။ ကင်မရာလွယ်ပြီး ဆင်းမယ်လုပ်တော့ အမေက စိတ်မချလို့ လိုက်မယ်ဆိုပြီး ပါလာပါတယ်။
Read the rest of this entry »
9 Dec, 2011
မနေ့က ဒီဇင်ဘာ ၈ ရက် မနက်ခင်း ၇ နာရီလောက်မှာ ဗိုလ်အောင်ကျော် လမ်းမှာ ရှိတဲ့ Saint Mary Cathedral ကို ရောက်ဖြစ်ပါတယ်။ အဲဒီမှာ Cathedral ရဲ့ နှစ် ၁၀၀ ပြည့် တည်ထောင်ခြင်း ပွဲကို ကျင်းပနေတာပါ။ မနက်အစောကတည်းက လူစည်နေတာဖြစ်ပြီး တိုင်းရင်းသား ခရစ်ယန်ဘာသာဝင်တွေလဲ အများအပြားတွေ့ရပါတယ်။ မနက် အစောရောက်ကတည်းက cathedral ထဲမှာ ခုံတွေ အပြည့်ဖြစ်နေပါပြီ။
Read the rest of this entry »
5 Dec, 2011
မနေ့ညက အမှန်တော့ ဒီနေ့ မနက်အစောကြီးပေါ့ မြို့ထဲမှာ Shia မူစလင် များရဲ့ Ashura ပွဲ ရှိလို့ ဓာတ်ပုံသွားရိုက်ဖြစ်ပါတယ်။ ဒီပွဲ ရှိတယ်ဆိုတာ သိလို့ ညနေဘက်ကတည်းက ကြိုအိပ်ထားပြီး ညဘက် ၁၁ လောက်ထသွားဖြစ်ပါတယ်။ ဆူးလေ ဘုရားနားက လမ်းပေါ်မှာ ရှိနေတာ ဖြစ်ပါတယ် အဲဒီမှာ ကိုရဲအောင်သူ နဲ့ ဆုံပါတယ်။ အဲဒီမှာ ရောက်တော့ အခေါင်းပုံစံတစ်ခုကို လူတစ်စုထမ်းထားတာ ရှိပါတယ်။ နောက် အနက်ရောင်ဝတ် မူစလင်အမျိုးသမီးတွေ ရှိတယ်၊ ရင်ဘက်ကို လက်ဝါးနဲ့ ရိုက်ပြီး ဘုရားစာလို တစ်ခုခုကို ဆိုနေတဲ့ အမျိုးသား အုပ်စုကြီးလဲ ရှိပါတယ်။
Read the rest of this entry »
1 Dec, 2011
ဒီနေ့ ဒီဇင်ဘာ ၁ ရက်နေ့မှာ အမေရိကန် နိုင်ငံခြားရေး ဝန်ကြီး အမှန်တော့ U.S Secretary of State, Hillary Clinton နေ့ပြည်တော်ကနေ ရန်ကုန်မြို့ ကို လာရောက်ပါတယ်။ အမှန်တော့ ဒီနေ့က ဒီဇင်ဘာ ၁ ရက်နေ့ World AIDS Day ရိုက်စရာတွေ ရှိပေမယ့် မရိုက်တော့ပဲ အဲဒီကို သွားဖြစ်ပါတယ်။ နေ့လည် ၃ နာရီမှာ ရွှေတိဂုံဘုရား ဓာတ်လှေကားမှာ အခြား သတင်းဌာနတွေလိုပဲ တန်းစီစောင့်ရပါတယ်။ အမေရိကန် နိုင်ငံသား ကုတ်အကျီဝတ် security တွေ ရှိတယ် မြန်မာပြည်က ရဲ SB တွေလဲ ရှိပါတယ်။ နောက် ဘုရားလုံခြုံရေးများကောပဲ။
Read the rest of this entry »
29 Nov, 2011
November လထဲမှာ ဘလော့ဂ်ကို အသစ် မတင်ဖြစ်တာ အတော်ကြာသွားပါတယ်။ အလုပ်များနေတယ်ရယ် အလုပ်အားတော့ မတင်တာကြာတော့ ပျင်းသွားတာလဲ ပါပါတယ်။ အခုတော့ ဒီလ အစောပိုင်းက သွားဖြစ်ခဲ့တဲ့ တောင်ကြီး တန်ဆောင်တိုင် ပွဲတော်က ပုံတွေတင်လိုက်ပါတယ်။
Read the rest of this entry »
1 Nov, 2011
အောက်တိုဘာ ၃၁ ရက်နေ့ Halloween နေ့မှာ နေ့လည်လောက်ကတည်းက ကိုမျိုးကျော်ထွန်း ကျွန်တော်ရယ် ကိုရဲအောင်သူနဲ့ ၂ ယောက်ရှိတဲ့ သင်္ကန်းကျွန်းဘက် လိုက်လာပြီး အတူတူတွေ့ဖြစ်ကြပါတယ်။ နောက်တော့ ပြည်လမ်းပေါ်က တော်ဝင်စင်တာမှာ Halloween Party နဲ့ စျေးပွဲတော်ရှိတယ် ဆိုလို့ ညနေ ၅ နာရီကျော်လောက်မှာ အရောက်သွားဖြစ်ပါတယ်။ ဟိုရောက်တော့ စင်တာအဝင်မှာပဲ သရဲပုံစံ အဝတ်အစားတွေနဲ့ တော်ဝင်စင်တာက ဝန်ထမ်းများနဲ့ မော်ဒယ်တွေကိုတွေ့ရတာကြောင့် ဓာတ်ပုံစပြီး ရိုက်ဖြစ်ပါတော့တယ်။
Read the rest of this entry »
30 Oct, 2011
29 ရက်နေ့မှာ အင်ဒိုနီးရှားက နိုင်ငံခြားရေးဝန်ကြီး ရောက်နေလို့ ဓာတ်ပုံသွားရိုက်ဖြစ်တယ်။ နေ့လည်ကတည်းက ကိုစိုးကြီး၊ ကိုရဲအောင်သူ နဲ့ ကို black dream တို့ နဲ့ အတူတူ ခြောက်ထပ်ကြီး၊ ရွှေတိဂုံဘုရား၊ စမ်းချောင်းဘက်တွေမှာ ဓာတ်ပုံလိုက်ရိုက်ထားလို့ တော်တော်ပင်ပန်းထားပေမယ့် ညဘက် အိမ်ပြန်ရောက်အပြီးလောက်မှာ ၁၀ နာရီလောက်ပေါ့ မီးသတ်ကားသံတွေ ကြားလို့ မေးကြည့်မိပြန်ပါတယ်။ သိရတာက ၉၆ လမ်း၊ မင်္ဂလာတောင်ညွှန့်မြို့နယ်ထဲမှာ တိုက်ပြိုကျတယ်လို့ သိရတာကြောင့် ကင်မရာဆွဲပြီး ထွက်ရိုက်ဖြစ် ပြန်ပါတယ်။
Read the rest of this entry »
22 Oct, 2011
ဒီနေ့ အောက်တိုဘာလ ၂၂ ရက်နေ့မှာ Junction မော်တင်က Korean Film Festival 2011 ကို သွားဖြစ်ပါတယ်။ ဒီပဲွကို ကိုဘို ပြောထားလို့ ကိုရီးယားက မင်းသား နဲ့ မင်းသမီးလာမယ်ဆိုတာလဲ အစောကတည်းက ကြိုသိထားပါတယ်။ ကိုဘိုကပဲ press card စီစဉ်ပေးတာကြောင့် ဒီနေ့ ရောက်ခဲ့တာပါ ပွဲကို ညနေ ၃ နာရီမှာ စတင်ပါတယ်။
Read the rest of this entry »
