My Burmese Blog » Video

Explosion At A Warehouse in Yangon, Myanmar

Htoo Tay Zar — Thu, 29 Dec 2011 15:42:20 +0000

ဒီနေ့ မနက် ၂၉ ရက် မနက် အစောပိုင်း အမှန်တော့ ၂၈ ရက်ည ၁နာရီ ခွဲလောက်မှာ ကျွန်တော် အိမ်မှာ ကွန်ပျူတာရှေ့ထိုင် html ရေးနေတုန်း အုန်း ဆိုတဲ့ ပေါက်ကွဲသံကြီးနဲ့ အတူ အိမ်က တံခါးတွေကို တစ်ယောက်ယောက် စောင့်ကန်သလိုအသံတွေ ဘေးနားက တိုက်တွေ မှန်ကွဲသံတွေပါ ကြားလိုက်ရပါတယ်။ အမှန်တော့ ကျွန်တော် နားကျပ်နဲ့ သီချင်းနားထောင်ရင်း အလုပ်လုပ်နေတာဗျ ပေါက်ကွဲသံက ဘယ်လောက်ကျယ်လဲဆို သီချင်းသံကျော်ပြီးဝင်လာတယ်။ ဒါနဲ့ အိမ်ဝရန်တာထွက်ကြည့်တော့ မင်္ဂလာမွန်စျေး နိုက်ကလပ်တွေ ရှိတဲ့ ဘက်က လူတွေ ပြေးထွက်လာတာ၊ ကားတွေ အများကြီးထွက်လာတာ တွေ့လို့ အဲဒီမှာ ဗုံးပေါက်တယ် ထင်လိုက်တယ်။ ကင်မရာလွယ်ပြီး ဆင်းမယ်လုပ်တော့ အမေက စိတ်မချလို့ လိုက်မယ်ဆိုပြီး ပါလာပါတယ်။

အမှန်တော့ ကျွန်တော် ညဘက်အိမ်ပြန်ရောက်တာ မကြာသေးပါဘူး ၂၈ ရက်မှာ အင်ဒိုနိုင်ငံခြားရေးဝန်ကြီး press conference သွားတယ် မော်ဒယ်ရိှုး ၂ ခုဆက်တိုက်ရိုက်ခဲ့ပြီး လူလဲပြိုင်းနေပြီ web site dead line ရှိလို့ ထိုင်ရေးနေရင်းကနေ ဖြစ်တာ။ တိုက်အောက်ဖက်ဆင်းတော့ အခြား အခန်းကလူတွေရော ဝရန်တာတွေမှာ ထွက်ပြီး ကြည့်နေကြတာတွေ့ပါတယ် နောက်တော့ အသိတွေဆီက ဖုန်းဆက်ပြီး ကျွန်တော့်ကို သတင်းပေးကြတယ်။ အစက ဒေါပုံဘက်လို့ ကျွန်တော်ထင်လိုက်တာ နောက်တော့ ကားသမားတစ်ယောက်က စက်ဆန်း ဘက်ဆိုလို့ ကားငှားပြီး အပြေးသွားဖြစ်ပါတယ်။ ကျွန်တော့်အိမ်နဲ့ စက်ဆန်းနဲ့က မှတ်တိုင် ၂ တိုင်စာပဲဝေးတော့ အစောဆုံးရောက်သွားတယ်။

ဟိုမှာ မျက်နှာမှာ မှန်ထိပြီး သွေးတွေထွက်နေတဲ့ သူတွေနဲ့ အရင်စတွေ့ပါတယ်။ နောက်တော့ အဲဒီ စက်ဆန်း (ABC မှတ်တိုင်) နားက ဂိုထောင် အတန်းလိုက်မှာ မီးအကြီးအကျယ်လောင်နေတာ တွေ့ရတယ်။ နောက်တော့ အခြား သတင်းဓာတ်ပုံဆရာအကိုတွေ ရောက်လာတာမို့ သူတို့နဲ့ အတူတူ လောင်နေတဲံဂိုထောင် တွေရဲ့ နောက်ဖေးလမ်းကြားထဲ ပြေးဝင်ပြီး ဓာတ်ပုံရိုက်ဖြစ်ကြပါတယ်။ အန္တရာယ် အတော်များပါတယ် မီးအပူရှိန်ဟပ်နေတယ် ကျွန်တော် 16-35 wide သုံးပြီး video ရို်က်ထားလို့ မီးကရိုက်တဲ့နေရာနဲ့ ဝေးတယ်လို့ ထင်နေရတာ.. နောက်အဲဒီဘက်ကပြေးလာတဲ့ ရက်ကွက်သားတစ်ယောက်က ပြေးရင်းပြောပါတယ် လောင်နေတဲ့ ဂိုထောင်ပြီးရင် ကျွန်တော်တို့ ရှိတဲ့ တစ်ဖက်ခြမ်းက ဂတ်စ် အိုးတွေထားတဲ့ ဂိုထောင်တဲ့ ပြေးဆိုလို့ ပြေးရပြန်တယ်။ လေက ကံဆိုးချင်တော့ မြောက်ဖက်ကနေ ကျွန်တော်တို့ ရှိတဲ့ တောင်ဖက်တိုက်နေတာ ဒါနဲ့ ပြေးထွက်ခဲ့တယ်။

အနီးအနားက လူတွေပြောပြချက်အရ ပေါက်ကွဲအား အရမး်ပြင်းပါတယ် ၃ ကြိမ်ထက်မနည်းပေါက်ခဲ့ပြီး အိမ်တွေပါ တုန်သွားတဲ့ ပေါက်ကွဲချက်က မိှုပွင့်သဏ္ဏန် မီးတောက်ကြီးပါ တက်တဲ့ အကြောင်း ပြောပြတယ်။ ကျွန်တော့်အိမ်ကနေပါခံစားရတဲ့ ပြင်းထန်တဲ့ တုန်ခါမှုဟာ အဲဒီမီးလောင်ပြင်မှာရောက်နေတဲ့ မီးသတ်ရဲဘော်တွေအတွက် ကံမကောင်းနိုင်ဘူးဆိုတာ ချက်ချင်းတွေးမိပြီး စိတ်မကောင်းဖြစ်ရပါတယ်။ အဲဒီနားမှာပဲ ဓာတ်ပုံရိုက်နေရင်း လူ ၃ ယောက်က ကျွန်တော့်ကို သတင်းထောက်လားမေးပြီး သူတို့မှာ အပျက်အစီးအဆောက်အဦးတွေရှိတယ် လိုက်ရိုက်ပါ ပြောလို့ ဘာမှန်းမသိပဲ လိုက်ဖြစ်တယ်။ နဲနဲတော့ လန့်နေတယ် ကျွန်တော့်မှာက ရုံးကပေးတဲ့ ကင်မရာတွေကော lens တွေရော လွယ်ထားတယ် ကျောပိုးအိပ်ထဲမှာကောပဲ။ လုမလို့လား မသိဘူးပေါ့ သူတို့က မီးလောင်ပြင်နဲ့ ဝေးရာ တော်တော်ဝေးဝေးကို ခေါ်သွားပါတယ်။ နောက်တော့မှ ဗလီတစ်ခုထဲဝင်သွားပြီး အပျက်အစီးတွေပြမှ စိတ်အေးရတယ် တကယ်လိုက်ပြချင်တဲ့ သူတွေပါပဲပေါ့။ အဲဒီဗလီက မီးလောင်တဲ့ နေရာနဲ့ အတော်ဝေးပါတယ် ဒါပေမယ့် မျက်နှာချက် အလူမီနီယံတံခါးတွေ ပန်ကာ၊ အဲယားကွန်း၊ မှန်တွေအားလုံးက ဗုံးကွဲထားတဲ့ နေရာတစ်ခုလို့ ပြန့်ကျဲနေပါတယ်။ ဒါနဲ့ ဓာတ်ပုံရိုက် ဘလော့ဂ်မှာ တင်ရအောင် ဗီဒီယိုပါ ရိုက်ဖြစ်ပါတယ်။ အလူမီနီယံတံခါးတွေ ပန်ကာ၊ အဲယားကွန်း၊ မှန်တွေအားလုံးက ဗုံးကွဲထားတဲ့ နေရာတစ်ခုလို့ ပြန့်ကျဲနေပါတယ်။ ဒါနဲ့ ဓာတ်ပုံရိုက် ဘလော့ဂ်မှာ တင်ရအောင် ဗီဒီယိုပါ ရိုက်ဖြစ်ပါတယ်။

နောက်တော့ အဲဒီ အကိုတွေ ကားနဲ့လိုက်ပို့ပေးလို့ ဒေါပုံဘက်အခြမ်းပါရောက်ဖြစ်ပြီး အဲဒီဘက်မှာ ဖြစ်တဲ့ အိမ်နံရံပြိုကျတာတွေ တိုက်တွေ ကြွေပြားတွေကွာ ပက်ကြားအတ်သွားတာတွေ၊ တစ်ဖက်ကမ်းမှာ မီးလောင်နေတာတွေ ကိုပါ ရိုက်ခွင့်ရလိုက်ပါတယ်။ နောက်တော့ မီးလောင်တဲ့ စက်ဆန်းဘက်ပြန်ကူးတဲ့ အချိန်မှာတော့ မနက် ၅ နာရီကျော်ပြီမို့ မီးလဲ အတော်ထိန်းနိုင်သလောက် ဖြစ်သွားတာတွေ့ရသလို လူလဲ အတော်ရှင်းသွားပြီမို့ အိမ်ပြန်လာဖြစ်ပါတော့တယ်။ ရောက်ရောက်ချင်း သတင်းဓာတ်ပုံပို့ နောက် ဝဘ်ဆိုဒ်ရေးနဲ့ အခုဘလော့ဂ်ရေးနဲ့ ခုထိမနားရသေးပါဘူး အကျီလဲ မလဲရသေးဘူး။ ကံဆိုးချင်တော့ ပိုက်ဆံကားခတောင်မရှိလို့ ဒီနေ့ ညနေပိုင်း မီးသတ်က ကျဆုံးသွားတဲ့ ရဲဘော်တွေ အသုဘအခမ်းအနားတောင် သွားမရိုက်နိုင်တော့ပါဘူး။ ခုတော့ ပုံလဲ ၂ ပုံပဲတင်ထားပြီး ဗီဒီယိုတင်ပြီးနားပါတော့မယ့်။ အခုတင်ထားတဲ့ video ကို CNN channel ကနေ နောက် ၂၄ နာရီအတွင်းမှာ ပြပေးပါလိမ့်မယ်။ အသက်ပေးပြီးကာကွယ်သွားခဲ့ကြတဲ့ သူရဲကောင်း မီးသတ်တွေကို လေးစားမိပါတယ်။ ကောင်းရာသုဂတိလားကြပါစေ…..

Chinese Street Hawker from Yangon Downtown

Htoo Tay Zar — Thu, 22 Sep 2011 21:49:32 +0000

ဒီနေ့ စက်တင်ဘာလ ၂၂ ရက် ညနေပိုင်းမှာ ကိစ္စလေးရှိလို့ ကျွန်တော်ရယ် ကိုငြိမ်းချမ်းနိုင် ရယ် မြို့ထဲ ၂၉ လမ်းဘက်ရောက်ဖြစ်ပါတယ်။ ၂၉ လမ်းနဲ့ အနော်ရထာလမ်း ထောင့်တစ်နေရာမှာတော့ လူတွေ အုံပြီးကြည့်နေတဲ့ လမ်းဘေးစျေးသည်ရှိတာ ကြောင့် အဝေးကလှမ်းကြည့်လိုက်တော့ မုန်လာဥနီ တွေကို လှီးပြထားတာ တွေ့လို့ ဓားတို့ အခြား ဟင်းချက်ရာမှာ သုံးတဲ့ ပစ္စည်းတွေ ရောင်းတာလို့ သိလိုက်ပါတယ်။ အနားကပ်ကြည့်တော့မှ ထူးခြားတာတွေ့ရတော့တယ်။

ရောင်းနေတဲ့ လမ်းဘေးစျေးသည်က တရုတ်ကြီး ခင်ဗျ… တရုတ်လိုတွေ ပြောရင်း လှီးပြနေပြီး တစ်ချက်တစ်ချက် “တစ်ထောင်… တစ်ထောင်..” ဆိုတဲ့ မြန်မာလို ပြောတာလေးတော့ ကြားရတယ်။ ဘေးနားရောက်လာတဲ့ လူက ဘယ်လောက်လဲ မေးတာကိုလဲ မသိလို့ ပြန်မဖြေပါဘူး။ သူသိတာက “တစ်ထောင်” ပဲပြောတယ် ကြည့်နေတုန်းမှာပဲ ၃ ယောက်လောက် ဝယ်တာတွေ့ရတယ်။ သေချာတာကတော့ နိုင်ငံခြားက လာတဲ့ တရုတ်ဆိုတာ သေချာပါတယ်။ ကြားရတာက tourist visa နဲ့ လာတယ်လို့ ကြားမိတယ် မသေချာပါဘူး။ နောက်တစ်ခုက မြန်မာမဟုတ်တာ ပိုသေချာတာက အဲဒီအချိန်ဆို လမ်းဘေးမှာ စျေးရောင်းလို့ မရသေးပါဘူး။ သူတစ်ယောက်ပဲ စည်ပင်လဲ မကြောက်ရောင်းနေတာ… ဒါနဲ့ပဲ ထူးဆန်းလှချည်ရဲ့ ဆိုပြီး ကျောပိုးအိတ်ထဲက ကင်မရာထုတ်ပြီး မှတ်တမ်းတင်လိုက်ပါတယ်။ အစက ဓာတ်ပုံပဲ ရိုက်ထားတာ အသံပါပါအောင် ဗီဒီယိုပါ ကောက်ဆွဲထားလိုက်ပါတယ် ရှု့စားကြပါကုန်

Burmese Tour Guide Kid Speaking 4 Languages

Htoo Tay Zar — Sun, 04 Sep 2011 21:49:00 +0000

YouTube မှာ စိတ်ဝင်စားစရာ ဗီဒီယိုလေးတစ်ခု တွေ့လို့ ပြန်ရှဲတာပါ။ ဘာမှမဟုတ်ပါဘူး မြန်မာလူမျိုး ကလေးလေးတစ်ယောက် ဘာသာစကား ၄ မျိုးပြော နိုင်တာကို နိုင်ငံခြားသားတွေ အံ့ဩနေတဲ့ ဗီဒီယိုလေးပါ။ ကွျန်တော်တို့ ဆီမှာက စားဝတ်နေရေးခက်တော့ ကလေးကအစ ပို့စ်စကတ်ရောင်း၊ တိုးဂိုက်ကြုံသလိုလုပ်နဲ့ ဆိုက်ကားသမား၊ မြင်းလှည်းသမားက အစ ထမင်းစားရေသောက်လောက် ဘာသာစကား ၄ မျိုးလောက် တတ်ကြပါတယ်။

ပုဂံတုန်းကတောင် ရွှေဆံတော်ဘုရားမှာ တစ်ခါ ကလေးမလေးတွေ ကွျန်တော့်ကို ဘာသာစကား တစ်ခုပြီးတစ်ခုနဲ့ ပြောပြီး ပုဆိုးတွေရောင်းနေသေးတယ်။ အဲဒီတုန်းကတော့ ရုပ်တည်နဲ့ပေါ့ နိုင်ငံခြားသားအထာနဲ့ ကလေးမခမျာ ဘာသာစကား တစ်ခုမဟုတ် တစ်ခုပြောင်းပြောနေတာ နောက်ဆုံးကြမှ မဝယ်သေးပါဘူး ညီမရယ်ဆိုမှ ပြုံးပြီး ထွက်သွားလေရဲ့ =) အခုလဲ ဒီဗီဒီယိုလေးကြည့်ပြီး ပြုံးမိပါရဲ့ ကလေးက လေးမျိုးလဲပြောတတ်တယ် မျက်နှာက တကယ့်အရိုးအတိုင်းပဲ ရီနေလိုက်တာ သဘောကျမိပါရဲ့။ ဒီလို ကလေးတွေ ပညာသင်ချိန်မှာ ပညာသင်ခွင့်ရမယ်ဆို နောင်တစ်ချိန် နိုင်ငံခေါင်းဆောင် ဖြစ်မလာနိုင်ဘူးလို့ ဘယ်သူငြင်းမလဲ…

A Visit to Myanmar TV Program Shooting

Htoo Tay Zar — Thu, 25 Aug 2011 23:59:32 +0000

ပြီးခဲ့တဲ့ ၂၄ ရက်နေ့က သူငယ်ချင်း တစ်ယောက်က ခေါ်လို့ သူတို့ တီဗီ အစီအစဉ်ရိုက်တဲ့ Info-Tech Conference Hall ကို ရောက်သွားဖြစ်ပါတယ်။ဒါပေမယ့် မနက်ပိုင်းမှာ အလုပ်များတာကြောင့် ရှိတာအလုပ် အိမ်မှာလုပ်နေပြီး အဲဒီကို ၃ နာရီလောက်မှ အရောက်သွားဖြစ်ပါတယ်။

ဟိုရောက်တော့ ခန်းမထဲမှာ လူ ၃၀ ဝန်းကျင်လောက် ရှိတာတွေ့ရပါတယ်။ အားလုံးနီးပါးလောက်က ဒီနေ့ လုပ်မယ့် တီဗီ အစီအစဉ် သရုပ်ဆောင် ကမ္ဘာမှာ သရုပ်ဆောင်ပြိုင်ကြမယ့် သူတွေ များပါတယ်။ နောက်သူတို့ရဲ့ မိဘအုပ်ထိန်းသူ တစ်ချို့လဲပါတယ်။ အားလုံးနီးပါးလောက်က စတိုင်ကျကျ မင်းသား၊ မင်းသမီးတွေလို ဝတ်စားထားကြပါတယ်။

အဲဒီမှာက ရိုက်ရင် တစ်နေကုန်ရိုက်တာဖြစ်ပါတယ် တီဗီအစီအစဉ် ၄ ပတ်စာလောက် အတွက်ကို တစ်ရက်ထဲရိုက်တာပါ။ ကွျန်တော်နဲ့ ကိုရဲအောင်သူ ရောက်သွားပြီးတော့ သူငယ်ချင်းကိုတွေ့တာနဲ့ သူမ အမေကို နှုတ်ဆက်ပြီး ပွဲကပြီးပြီလား မေးမိတော့။ ၂ ပွဲစာ ရိုက်ဖို့ ကျန်သေးတယ်လို့ ဆိုပါတယ်။

ရိုက်တာက ဒါရိုက်တာ ကိုသုံးပေါင် ရိုက်ပါတယ်။ ကင်မရာ ၃ လုံးတွေ့ရတယ်။ စတိတ်စင်ဘေး တစ်ဖက် တစ်ချက်မှာ ၂ လက်မအထူလောက်ပဲရှိတဲ့ lighting panel box 2 ခုစီတွေ့တာ ကြောင့်အတော်စိတ်ဝင်စားသွားပါတယ်။ တစ်ရက်ကမှ DSLR video shooter မှာ ကြည့်ထားတာဆိုတော့ ePhoto LED Panel တွေလို့ ထင်နေတယ် ပါးလဲပါးတာကို နောက်တော့မှ သေချာကြည့်မှ မီးချောင်းအသေးလေးတွေ ထွန်းထားတာဖြစ်နေတယ်။

ပွဲကတော့ ရိုက်တယ်ခင်ဗျ မိတ်ဆက်လိုက်နောက် သရုပ်ဆောင်ပြိုင်တဲ့သူတွေ မဲနိှုက်ပြီး ကျတဲ့ ဇာတ်ရုပ်မှာ သရုပ်ဆောင်လိုက်နဲ့။ တွေးမိသေးတယ် အော်တော်သေးတယ်လို့ ကွျန်တော့် ဝါသနာတွေထဲမှာ သရုပ်ဆောင် ဝါသနာ မပါမိလို့ မဟုတ်ရင် အဲဒီပိုးက တော်တော်ဆိုးတာပဲလို့ ကြည့်ရင်းတွေးမိသေးတယ်။ ဓာတ်ပုံဝါသနာပါရင် ပိုက်ဆံစု ဝယ်လို့ ရတယ် သရုပ်ဆောင် ဝါသနာပါရင် ပိုက်ဆံပေးရုံနဲ့ မရသေးဘူး လူကြားထဲလုပ် အရှက်အကြောက် ကင်းကင်းနဲ့ mood သွင်းနိုင်မှ နောက် အဲဒီအလုပ်က ကံကို အရမ်းမီှခိုတဲ့ အလုပ်ဖြစ်နေတယ်။

ပွဲထဲမှာတော့ အစက ဓာတ်ပုံမရိုက်တော့ဘူးလို့ အားလုံး အသံတိတ်ပြီး စိတ်ဝင်စားနေကြတာရယ် အနှောက်အယှက်ဖြစ်မှာ စိုးတာရယ်ကြောင့်ပါ။ နောက်တော့လဲ သူများတွေ အလိုက်မသိ rigntone အကျယ်ကြီးတွေ ထားထားတဲ့ ဖုန်းတွေကြောင့် ခဏတိုင်းလာနေတာတွေ့တော့ auto focus က တီတီအသံသေးသေးလေးက ဘာမှမဖြစ်လောက်ဘူးဆိုတာတွေးမိလို့ ရိုက်ဖြစ်တယ်။ အခုက ရိုက်လာတဲ့ ပုံအချို့နဲ့ ဗီဒီယို အတိုလေးတစ်ခုပေါ့။ ဒါနဲ့ ပဲ ဘလောဂ်တင်လိုက်ပါတယ်။

Veteran Foley Artist

Htoo Tay Zar — Sat, 06 Aug 2011 17:47:29 +0000

Foley Artist ဆိုတဲ့ အကြောင်း vimeo မှာ တွေ့တာလေး ပြန်တင်လိုက်ပါတယ်။ ဇာတ်ကားတွေ ကြည့်တိုင်း sound effect ကို သိပ်သတိမထားမိသလို ရှာရင်လဲ အင်တာနက် ပေါ်မှာ အလွယ်တကူ ရှာလို့ရတယ် ဒါမှမဟုတ် software နဲ့ လုပ်ယူလို့ ရတယ်လို့ တွေးထားမိတဲ့ ကွျန်တော့် အတွက်တော့ ဒီလို လုပ်ယူတယ် ဆိုတာ သိတော့ အတော် အံ့ဩသွားပါတယ်။

ကြည့်ရင်းနဲ့ မှ Hollywood ဇာတ်ကားတစ်ကား ဖြစ်လာဖို့ မလွယ်ပါလားဆိုတာ သိသွားတယ်။ မိုက်တွေ အကောင်းစားလို သလို ရိုက်ကွင်းမှာ မပါတဲ့ အသံတွေလဲ နောက်ထပ်ထပ်ပေါင်းပေးရတာလဲ သိသွားပါတယ်။ 5.1 Dolby surround ဆို အတော်လုပ်ယူရမယ်လို့ တွေးမိသလို နောက်တွင်ကျယ်လာမယ့် 7.1 surround ဆို မနည်းဘူး effect တွေ လုပ်ယူရမှာ တွေးမိပါတယ်။

အခုကတော့ foley artist Gary Hecker ရဲ့ အကြောင်း ရိုက်ပြထားတာပါ။ သူဟာ Empire Strikes Back ကနေ 2012, Watchmen, Angel & Demons ကားတွေ အထိ အသံပိုင်းဆိုင်ရာ အထူးပြုလုပ်ချက် ဖန်တီးပေးခဲ့သူလို့ သိရပါတယ်။ ဒီအလုပ်ကလဲ အတော်မလွယ်တာပဲခင်ဗျ အသံထွက်တဲ့ ပစ္စည်းတွေလဲ အစုံစုရသလို သဘာဝအတိုင်းဆို ဘာမှ အသံမထွက်တဲ့ အရာတွေကအစ မျိုးစုံစုထားရတာတွေ့ရတယ်။ အနည်းဆုံးတော့ ဗဟုသုတ ပေးနိုင်တဲ့ documentary video အတိုလေးတစ်ခုပါ။

MOVE

Htoo Tay Zar — Thu, 04 Aug 2011 22:15:24 +0000

Move ဆိုတဲ့ ဗီဒီယို အတိုလေး ဒီနေ့ vimeo မှာ ကြည့်မိပြီး အတော် သဘောကျနေမိပါတယ်။ အဓိက ကတော့ အိုင်ဒီယာပဲဗျ။ Matt Hardin ရဲ့ ကမ္ဘာပတ်ပြီး ရိုက်ထားတဲ့ ဗီဒီယိုနဲ့ အခြေခံချင်းတူပါတယ်။ ဒါပေမယ့် သူက လမ်းလျောက်တဲ့ ပုံစံရိုက်သွားတယ်။ နောက်ဆုံး အဆုံးသတ်လေးလုပ်သွားတာ အတော်လှပါတယ်။ စကားမစပ် ပြောရဦးမယ် ကွျန်တော့်လဲ ဗီဒီယိုတစ်ခု လုပ်ထားတာ ရှိတယ်ဗျ ခုထိ ရိုက်တာ ၅ လလောက်ရှိပြီ မပြီးသေးလို့ မတင်ရသေးဘူး။ မကြာမှီလာမည် ပေါ့ဗျာ…

3 guys, 44 days, 11 countries, 18 flights, 38 thousand miles, an exploding volcano, 2 cameras and almost a terabyte of footage…

Split Screen ~ A Love Story

Htoo Tay Zar — Thu, 14 Jul 2011 18:11:11 +0000

ဒီလ အစောပိုင်းမှာ Vimeo.com မှာ Nokia ကလုပ်တဲ့ short movie ပြိုင်ပွဲ ဆုရသူတွေ ကြေငြာပါတယ်။ ပထမဆုရသွားတဲ့ ဗီဒီယိုကို ကြည့်ဖြစ်တယ်။ ပြိုင်ပဲွရှိတယ်စကြော်ငြာကတည်းက စိတ်ဝင်စားသွားခဲ့တာပါ သူက အသစ်ထွက်ထားတဲ့ Nokia N8 ဖုန်းနဲ့ ဗီဒီယို ရိုက်ရမှာ။ အခုရသွားတဲ့ဗီဒီယိုက တကယ်လဲ ထိုက်တန်ပါတယ်။ အဓိကကတော့ အရင်အတိုင်းပဲ creative idea က သာစားသွားပါတယ်။ technical အများကြီးသုံးပြိုင်တဲ့သူတွေ ရှိပေမယ့် ခက်ခက်ခဲခဲလုပ်တာတွေ လွယ်လွယ်လုပ်တာတွေ ထက် စိတ်ကူးက အဓိကဆိုတာ ပုံပေါ်ပါတယ်။

Splitscreen : A Love Story ဆိုပြီး နာမည်ပေးထားပါတယ်။ မကြည့်ရသေးရင် ကြည့်ကြည့်လို့ ရပါတယ်။ ရိုက်ထားပုံက Daniel Powter ရဲ့ Bad Day ရိုက်ထားတဲ့ ပုံနဲ့ ဆင်သလိုလိုတော့ ရှိတယ်။ ဒါပေမယ့် ကောင်းပါတယ်။ နောက် Vimeo မှာ Canon DSLR short movie နဲ့ အခြား ပြိုင်ပွဲတွေရှိတတ်ပါတယ်။ ဝင်ပြိုင်ဖို့ မလွယ်ပေမယ့် ပြိုင်ပွဲဝင် ဗီဒီယိုတွေကနေ ပညာယူလို့တော့ အတော်ကောင်းပါတယ်။

iPhone 5 with Windows 7

Htoo Tay Zar — Wed, 06 Jul 2011 20:48:10 +0000

ဒီနေ့တော့ မျက်စိနာနေလို့ စာများများ မရေးတော့ပါဘူး။ ဗီဒီယိုပဲ တင်လိုက်ပါတယ်။ ပြီးခဲ့တဲ့နှစ် CES နဲ့ ခပ်ဆင်ဆင် တောင်ကြီးမှာ လုပ်တဲ့ TEQ Technology Exhibition မှာ ပြခန်းတစ်ခုက ပြထားတဲ့ iPhone 5 (Giant iPhone) ကြီးမှာ Windows 7 run ပြထားတာကို ရိုက်ထားဖြင်းဖြစ်ပါတယ်။ ဒီဗီဒီယိုကို ဘော်ဒါကြီး ကိုကိုရဲ ကနေ လက်တွေ့စမ်းသပ်ပြထားတာဖြစ်ပါတယ်။

iPhone အတိုင်းလုပ်ထားတာတော့ အမှန်ပဲခင်ဗျ။ ဆိုဒ်ကြီးက အကြီးကြီး ဖုန်းတော့ ပြောလို့မရဘူး။ touch ကလဲ မဆိုးပါဘူး ဆန်းဆန်းတင့် ဖြစ်ပါတယ်။ Brand ကတော့ တရုတ် brand ပါ။ သေချာတောင် မေးမထားမိလိုက်ဘူး။ ပွဲနေ့တွေက အားယားနေတာနဲ့ နေ့တိုင်း အဲဒီဆိုင်တွေမှာ ပတ်ပြီး MSI မှာ သွားပြီး 3D game ဆော့လိုက် အခြားဆိုင်တွေမှာ ဝင်စပ်စုလိုက်နဲ့ ဟုတ်နေကြတာ။ နောက်ရက်မှ MSI + Nvidia 3D game ဗီဒီယိုလဲ တင်ပါဦးမယ်။ လောလောဆယ်တော့ Apple က မထုတ်တဲ့ iPhone 5 ကြီးကို ရှုစားကြပါဦး။

Android VS iPhone

Htoo Tay Zar — Sun, 05 Jun 2011 23:44:48 +0000

၄ ရက်နေ့ စနေနေ့က ကိုကိုရဲ စီစဉ်တဲ့ Ubuntu, Android & PIC ပွဲမှာ မအဲမွန် က Android စက်ရုပ်လေး ယူလာတာနဲ့ ပေါက်ကရ လုပ်ဖြစ်ပါတယ်။ ဒါနဲ့ ကွျန်တော့် ကျောပိုးအိပ်မှာ အမြဲချည်ထားတဲ့ bandanna လက်ကိုင်ပုဝါ စည်းပေးလိုက်ပြီး ရှိတဲ့ 550D နဲ့ အပျော် video ရိုက်ထားလိုက်တယ်။

ဗီဒီယိုကို ကိုရဲအောင်သူ ရိုက်ပေးပြီးတော့ ကွျန်တော်က အရုပ်နဲ့ အိုင်ဖုန်းကို တီးပါတယ်။ မေ့သွားတာ Auto focus မဖြုတ်မိလိုက်တာရယ် manual follow focus လုပ်ဖို့ မေ့သွားတော့ ဗီဒီယိုက စစချင်း စက္ကန့်ပိုင်းလောက်ပဲ ဖိုးကပ်ဝင်ပြီး ကျန်တာ အောက်တော့ဖိုးကပ်တော့ ဖြစ်သွားတယ်။ သည်းခံပေးပါ အစီအစဉ်မရှိပဲ ပေါက်ကရလုပ်ထားတာမို့ပါ။ ပျော်ရွှင်ပါစေ။

Guide to Vimeo.com

Htoo Tay Zar — Fri, 29 Apr 2011 21:12:38 +0000

ဒီဘက်လတွေမှာ ရှိတဲ့ ကင်မရာလေးနဲ့ ဗီဒီယိုတော်တော်များများ ရိုက်ဖြစ်ပါတယ်။ မှတ်တမ်းသဘောမျိုး တွေ့ရာလျောက်ရိုက်တာပါ။ အဲဒါတွေ တင်ဖို့ အတွက် Vimeo.com ကို သုံးရင်း ရလာတဲ့ အတွေ့အကြုံတွေ ပြန်ရှဲပါတယ်။ Vimeo ဟာ ပြည်တွင်းကလူတွေ အတွက် အတော်အဆင်ပြေတဲ့ video sharing ဆိုဒ်ပါ။ YouTube က ကောင်းပေမယ့် ban ခံထားရလို့ တင်ဖို့ မလွယ်သလို ပြည်တွင်းကလူတွေ ကြည့်ဖို့ မလွယ်ပါဘူး။

ဒီတော့ Vimeo မှာက ပိုအဆင်ပြေပါတယ်။ နောက် တစ်ခုက Vimeo က YouTube ထက် interface ပိုလှပါတယ်။ နောက် YouTube HTML 5 support မလုပ်ခင်ကတည်းက သူက HTML 5 နဲ့ ပြောင်းကြည့်လို့ ရလို့ ၂၀⁠၀၉ လောက်ကတည်းက iPhone မှာ ဗီဒီယို အလွယ်တကူကြည့်လို့ ရနေခဲ့တာပါ။ ဒီဆိုဒ်က တစ်ခုရှိတာက ဗီဒီယို Sharing ဆိုဒ်ဆိုပေမယ့် ကိုယ်ပိုင်ရိုက်ထားတာပဲ ပေးတင်ပါတယ်။ ကြော်ငြာတွေ၊ နောက် တီဗီ channel ကဟာတွေ music videos တွေပေးမတင်ပါဘူး။ တင်ရင်လဲ warning မပေးပဲ အကောင့်ပါ ဖျက်ပါတယ်။

ကွျန်တော့် အကောင့်လေးတောင် ၂၀၁၀ january တုန်းက American Idol က Siobhan Magnus ဆိုထားတဲ့ သီချင်း video တင်လိုက်တာ တန်းဖျက်သွားလို့ တင်ထားတာတွေ အကုန်ပြောင်သွားဖူးပါတယ်။ အခုအကောင့်က အဲဒီတုန်းက အဖျက်ခံရတော့ ပြန်အသစ်လုပ်ထားတာပါ။ ဒီတစ်ခေါက်တော့ ကိုယ်ပိုင် ဗီဒီယုိတွေပဲ တင်ပါတော့တယ်။ Vimeo မှာ ဗီဒီယိုတင်ဖို့ အတွက် ဆိုဒ်ထဲမှာ flash uploader နဲ့ ajax uploader ၂ မျိုးပေးထားပါတယ်။ ပြည်တွင်းမှာ ajax video uploader က အလုပ်သေချာမလုပ်တာတွေ့ ရပါတယ်။ ကွျန်တော်ကတော့ flash uploader နဲ့ပဲတင်ပါတယ်။ နောက် Adobe AIR uploader လဲရှိပါတယ်။ စမ်းကြည့်လို့ ရပါတယ်။

Upload လုပ်ရင် ပြသနာက ၉၉ ရာခိုင်နှုန်းပြီးရင် Error ဆိုပြီး ပျက်သွားတာ⁠တာက ပြည်တွင်းမှာ ခဏတိုင်းဖြစ်ပါတယ်။ နိုင်ငံခြားမှာဆို ကွန်နက်ရှင်မြန်လို့ လား မသိမဖြစ်ပါဘူး။ အဲဒါတော်တော်လေးဆိုးပါတယ်။ ဖြစ်ရင်လဲ 99% ပြီးမှ ဖြစ်တာဆိုတော့ ကွန်နက်ရှင် အနှေးနဲ့ အကြာကြီးထိုင်တင်ရသူဖို့ ဆောင့်အကန်ခံရသလိုပါပဲ။ နောက်တစ်ခုက video တင်တာပြီးသွားပြီဆိုရင်တောင် moderate preview အတွက် နာရီဝက်အမြဲစောင့်ရပါသေးတယ်။

Vimeo ဟာ အဲဒီပြသနာကလွဲရင် ဗီဒီယို ကွာလတီကော အလွန်ကောင်းတာတွေ့ရပါတယ်။ full HD ကို web ပေါ်မှာ ပြပေးနိုင်စွမ်းရှိပါတယ်။ Pro အကောင့်မရှိသူတွေကတော့ external ဆိုဒ်တွေမှာ embed လုပ်ရင် HD version မရပဲ SD ပဲရပါတယ်။ တစ်ခုရှိတာက Pro မဟုတ်တဲ့ သူတွေကို တစ်ပတ်မှာ HD video 1 ခုပဲပေးတင်တာပါ နောက် 500MB ပဲတင်လို့ ရတယ်။ Pro တွေကတော့ 5GB အထိ တစ်ပတ်တစ်ခါ တင်လို့ ရပါတယ်။ နောက်သူတို့က တင်ပြီးရင် နာရီဝက် preview စောင့်စရာမလိုပါဘူး။

Vimeo ဟာ ပုံမှန် funny compilation လို ဗီဒီယိုမျိုးတွေ ရှာတွေ့နိုင်တဲ့ နေရာမဟုတ်ပေမယ့် animation တွေ creative short movie တွေ အများကြီးရှိတဲ့ နေရာတစ်ခုဖြစ်ပါတယ်။ YouTube ထက်တောင် ပိုများပါလိမ့်မယ်။ ရှာကြည့်ကြည့်ပါ။ အထူးသဖြင့် နောက်ပိုင်း Vimeo ဗီဒီယုိတွေဟာ DSLR camera တွေနဲ့ ရိုက်ထားတာတွေ များပါတယ်။ နောက် Canon ကနေ လုပ်တဲ့ short movie ပြိုင်ပွဲလဲ ရှိပါတယ်။

Vimeo ကနေ မကြာသေးခင်ကပဲ iPhone app အသစ်ထုတ်ပေးထားပြီး app ထဲမှာတင် ဗီဒီယို ကို edit လုပ်ပြီး vimeo.com ကို တန်း upload လုပ်နိုင်အောင် လုပ်ပေးထားတာလဲတွေ့ပါတယ်။ iMovie ကို 5 dollar ပေးဝယ်မယ့် အစား အခမဲ့ရတဲ့ Vimeo app နဲ့ အများကြီးလုပ်လို့ ရတာကိုတွေ့ရပါတယ်။ Vimeo ဟာ လက်ရှိအချိန်မှာတော့ တဖြည်း⁠ဖြည်းနာမည်ကြီးလာပြီး ဓာတ်ပုံမှာ flickr ဖြစ်လာသလို video မှာ Vimeo ဆိုပြီး ဖြစ်လာနိုင်ခြေရှိပါတယ်။ လက်ရှိတော့ ကွျန်တော် ဗီဒီယိုတွေကို youtube မှာ မတင်ပဲ Vimeo မှာပဲ တင်ဖြစ်ပါတယ်။ အဲဒီမှာ တင်ရတာကိုလဲ ပိုသဘောကျပါတယ်။

My Burmese Blog » Video

Explosion At A Warehouse in Yangon, Myanmar

Related Posts

Chinese Street Hawker from Yangon Downtown

Related Posts

Burmese Tour Guide Kid Speaking 4 Languages

Related Posts

A Visit to Myanmar TV Program Shooting

Related Posts

Veteran Foley Artist

Related Posts

MOVE

Related Posts

Split Screen ~ A Love Story

Related Posts

iPhone 5 with Windows 7

Related Posts

Android VS iPhone

Related Posts

Guide to Vimeo.com

Related Posts